रामेछाप । जिल्लाको सदरमुकाम मन्थलीमा रहेको अग्नि नियन्त्रण अब सञ्चालनमा आउने भएको छ । मन्थली नगरपालिकाले केही वर्ष अघी अग्नि नियन्त्रण खरिद गरेर ल्याएको भएता पनी तालिम प्राप्त चालक नहुदा खासै सञ्चालनमा ल्याउन सकेको थिएन । हालै नगरपालिकाले मन्थलीस्थित सशस्त्र प्रहरी वल,नेपाल आश्रित गुल्मको सहकार्यमा रामेछापमा ३ दिने अग्नि नियन्त्रक अनुशिक्षण तालिम सुरु गरेको छ ।
तालिको उद्घाटन गर्दै मन्थली नगरपालिकाका नगर प्रमुख रमेश कुमार बस्नेतले मन्थली नगरपालिकामा अग्नि नियत्रणका विभिन्न उपकरणहरु हुँदाहुँदै पनि ति उपकरणहरू चलाउन सक्ने दक्ष जनशक्ति नहुँदा समस्या भैरहेको वर्तमान अवस्थामा यो तालिमले दक्ष जनशक्ति उत्पादन हुने बिश्वास ब्यक्त गरेका छन् ।
कार्यक्रमको अवसरमा नेपाल आश्रित गुल्म रामेछापका प्रहरी नायव उपरीक्षक केशव राज प्याकुरेलले कार्यक्रका सहभागिहरुलाई स्वागत गर्दै जिल्लामा अग्नि नियन्त्रक पर्याप्त नहुँदा समस्या भैरहेको कुरा पहिचाहन भएपछि आफ्नो पहलमा नगरपालिका सँग मिलेर यो तालिम आयोजना गरेको बताए
तिन दिन सम्म सञ्चालन हुने तालीममा सशस्त्र प्रहरी, जनपथ प्रहरी, नेपाली सेना, मन्थली न.पा.का कर्मचारीहरू,नेपाल रेडक्रस सोसाइटिका कर्मचारी तथा स्वंयम सेवक, र जिल्ला वन कार्यालयका कर्मचारी सहित ३५ जना सहभागि रहेका छन् । सहभगीहरुलाई सशस्त्र प्रहरी वल,नेपाल आश्रित गुल्म रामेछापका प्रहरी नायव उपरीक्षक केशव राज प्याकुरेल,प्रहरी सहायक निरीक्षक सुजन केशी,स. प्र.ना.नि लक्ष्मण गौतम स.प्र.स.ह युवराज विश्वकर्मा, स.प्र.ज नविन कुमार वस्नेत, नागरिक उड्डेन कार्यालयका अग्नि नियन्त्रक द्वय मधुसुदन थापा र राजेन्द्र थापाले प्रशिक्षण दिएका छन
