देशमा अब के हुन्छ ःदेउवा प्रधानमन्त्री

राजनीति
  • 31
    Shares

काठमाडौं । सर्वोच्च अदालतले प्रतिनिधीसभा विघटनलाई सर्वोच्चले असंवैधानिक भन्दै प्रतिनिधीसभा पुनः स्थापना भएको घोषना गरे संगै अब देशमा के हुन्छ भन्ने चासो आम नागरिकाम छाएको छ । धानन्यायाधीश चोलेन्द्र शम्शेर जबरा नेतृत्वको ५ सदस्यीय संवैधानिक इजलासले विघटनलाई असंवैधानिक घोषणा गर्दै १३ दिनभित्र संसदको अधिवेशन बोलाउन परमादेश जारी गरेको । कसरी देशमा राजनीतिक अगाडि बढ्ला भन्ने प्रश्न उब्जिएको छ । संसदको अधिवेशन आह्वान गर्ने अदालतको फैसलामै उल्लेख भएको हुनाले अब १३ दिनभित्र राष्ट्रपतिले संसदको हिउँदे अधिवेशन आह्वान गर्न पर्ने हुन्छ । अदालतले राष्ट्रपति कार्यालय, मन्त्रिपरिषद कार्यालय, प्रधानमन्त्री र सभामुखका नाममा परमादेश जारी गरिसकेकाले राष्ट्रपतिको आह्वानमा १३ दिन भित्र बैठक बस्नेछ । विघटन बदर भएसँगै प्रधानमन्त्रीले नैतिकताका आधारमा राजीनामा दिन सक्छन् । यदि त्यसो भएन भने संसद बैठकबाट नेकपा (दाहाल(नेपाल समूह) का ८९ सांसदले प्रस्तुत गरेको अविश्वासको प्रस्ताव दर्ता भएर अगाडि बढ्ने छ ।
अविश्वासको प्रस्तावमा बहुमत पुगेर पारित भएमा प्रधानमन्त्री ओली पदमुक्त हुनेछन् । तर, अविश्वासको प्रस्ताव पारित हुन कांग्रेस वा मधेशवादी दलको साथ चाहिन्छ अन्यथा बहुमत पुग्दैन त्यसको लागी कांग्रेस निर्णायक हुनेछ । कांग्रेसको साथ भएन र अविश्वासको प्रस्ताव फेल भएमा ओली प्रधानमन्त्रीमा बाकी समय रहिरहनेछन् । वली विरुद्ध थप एक वर्ष अविश्वासको प्रस्ताव दर्ता गर्न पाइनेछैन । त्यसपछि आफैँ पनि ५ वर्षे मध्यावधि चुनावी माहोल सुरु भइसक्नेछ त्यस पछी ओलीकै नेतृत्वमा उक्त चुनाव हुनेछ । ओलीले आरामले आफ्नो ५ वर्षे कार्यकाल पूरा गर्नेछ ।
यदि अविश्वास प्रस्ताव पारित भएमा ओली सत्ताबाट त बाहिरिने छ तर प्रधानमन्त्रीमा प्रस्तावित प्रचण्डका लागि वली तगारो बन्ने छ । पहिला त संसदीय दलको नेता पार्टी भित्र चुनिनु पर्ने हुन्छ यसमा ओलीले बाधा पुर्याडउन सक्छ । यदि ओलीको बहुमत भयो र प्रचण्ड संसदीय दलको नेता चुनिन सकेनन् भने कि पार्टी फुटाएर गठबन्धन सरकारमा अघि बढ्नु पर्छ । होइन भने बहुमतप्राप्त दलले दलको नेता छान्न नसकेमा वैकल्पिक सरकार बन्ने स्थिति बाँकी नरहने अवस्था कामचलाउ प्रधानमन्त्रीका हैसियतमा ओलीले धारा ७६(७) अनुसार फेरि विघटन गरेर चुनाव घोषणा गर्नुपर्नेछ । अविश्वास पारितपछि दल फुट्यो भने चाहिँ गठबन्धन सरकारको विकल्पमा राजनीति अगाडि बढ्ने छ । प्रमुख प्रतिपक्षी नेपाली कांग्रेसको भूमिका महत्वपूर्ण हुन्छ । कांग्रेसको समर्थन विना कसैको सरकार बन्ने अवस्था रहँदैन । ज्योतिषीले ७ पटक प्रधानमन्त्री हुन्छौँ भनेका सभापति शेरबहादुर देउवा आफू प्रधानमन्त्री बन्ने अवस्थामा बाहेक अरुलाई समर्थन नगर्न सक्छन् । यस्तो अवस्थामा प्रधानमन्त्री कांग्रेसको पोल्टामा जान सक्छ ।

Facebook Comments

  • 31
    Shares