रामेछाप । मन्थली नगरस्तरीय तेस्रो राष्ट्रपति रनिङ शिल्ड प्रतियोगीतामा ३१ स्वर्ण पदक सहित मन्थली माध्यमिक विद्याललयले शिल्ड आफ्नो पोल्टामा पार्न सफल भएको छ ।
स्वर्णपदक सँगै मन्थली माध्यमिक विद्यालयले २१ रजत र १७ कास्य पदक सहित ६९ वटा पदक जित्दै राष्ट्रपति रनिङ शिल्ड प्रतियोगीताको प्रथम स्थान हासिल गर्न सफल भएको हो । सदरमुकाम मन्थलीमा शुक्रवारवाट शुरु भएको उक्त खेलकुद प्रतियोगीता आइतवार सम्पन्न भएको हो । प्रतियोगीतामा मन्थली नगरपालिका भित्रका २२ वटा विद्यालयमा अध्ययनरत बालबालिकाहरुले भाग लिएका थिए ।
प्रतियोगीतामा सहभागी भएका विद्यालयहरु मध्ये कर्कलादेवी अंग्रेजी वोडिङ्ग स्कुलले ५ स्वर्ण पदक सहित, ८ रजत र ९ कास्य गरि २२ पदक जित्न सफल भएको छ । त्यसैगरी सेतेदेवी माध्यमिक विद्यालय सालुले ५ स्वर्ण पदक, ५ रजत र ४ कास्य गरि १४ वटा पदक हात पार्न सफल भएको छ । प्रतियोगीता समापन कार्यक्रममा विजयी खेलाडीहरुलाई मन्थली नगरपालिकाका प्रमुख रमेशकुमार बस्नेतले शिल्ड, प्रमाण–पत्र र पदक प्रदान गरेका थिए ।
लगातार रुपमा तीनवर्षसम्म राष्ट्रपति रनिङ्ग शिल्ड प्रतियोगीतामा प्रथम स्थान हासिल गराउन लागि पर्ने विद्यालयका खेल शिक्षक, खेलकुद प्रतियोगीतामा भाग लिने खेलाडी विद्यार्थीहरुलाई मन्थली माध्यमिक विद्यालयका प्रध्यानध्यापक टंकप्रसाद दाहालले धन्यवाद व्यक्त गरे । उनले भने– मन्थली माध्यमिक विद्यालयमा अध्यनरत भाइबहिनीहरुले विगतको भन्दा पनि यसवर्षको राष्ट्रपति रनिङ शिल्ड प्रतियोगीतामा उत्कृष्ठ खेल प्रर्दशन गरेर शिल्ड आफ्नो हातमा पार्न सफल भएका छन् । आगामी वर्षहरुमा पनि यसलाई निरन्तर दिन मन्थली माध्यमिक विद्यालय लागि पर्ने छ ।
