रामेछाप । मन्थली नगरपालिकामा रहेको मन्थली सहिद स्मृति बहुमुखी क्याम्पस संचालक समितिको अध्यक्षमा रामचन्द्र बियोगी निर्बिरोध रुपमा चयन भएका छन् ।
मन्थली क्याम्पसमा शनिवार भएको भेलाले एक कार्यकाल अध्यक्ष पदमा रहेर काम गरि सकेका रामचन्द्र बियोगीले पुनः दोश्रो कार्यकाल पनि अध्यक्ष पदमा दोहोरिने मौका पाएका छन् । अध्यक्ष सँगै पाँचजना क्याम्पस सभा सदस्यहरु पनि चुनिएका छन् । सदस्यहरुमा उज्वल सुवेदी, प्रकास कुमार कार्की, युवराज सुवेदी, रमेश ढुगेल र देवीका पौडेल निर्विरोध रुपमा चयन भएका छन्, भने सदस्य सचिवमा क्याम्पस प्रमुख ऋषीकुमार कार्की रहेका छन् ।
त्यसैगरी क्याम्पस संचालक समितिको बैठकले गंगालाल गोले, कुमार श्रेष्ठ, गंगा अधिकारी, दिनेश सुवेदीलाई क्यम्पस संचालक समितिको सदस्यमा मनोनित गरेको छ । त्यस्तै संञ्चालक समितिको पदेन सदस्यहरुमा क्याम्पसका निर्वतमान अध्यक्ष ध्रुबप्रसाद सुवेदी,क्याम्पस प्रध्यापक संघका प्रतिनिधि दिनेशकुमार कार्की, मन्थली नगरपालिका वडा नं–१ का वडा अध्यक्ष नारायणदास श्रेष्ठ रहेका छन् ।
त्यसैगरी अन्य क्याम्पस सञ्चालक समितिको पदेन सदस्यहरुमा क्याम्पस स्ववियु सभापति कपील मगर, मन्थली माध्यमिक विद्यालयका व्यवस्थापन समितिका अध्यक्ष ध्रुवकुमार कार्की, मन्थली माध्यमिक विद्यालयका प्रध्यानध्यापक टंकप्रसाद दाहाल, त्रिभुवन विश्व विद्यालयका प्रतिनिधि डा.वाशुदेव गौतम लगाएतलाई सदस्यमा मनोनित गरेको हो ।
