रामेछाप । रोटरी इन्टरनेशलन डिष्ट्रिक्ट ३२९२ नेपालले बसु रोटरी भोकेशलन सुशासन अवार्ड पाएर हाम्राकुरा डटकमका प्रधानसम्दक अजयबाबु शिबाकोटी सम्मानित भएका छन् ।
स्वतन्त्र पत्रकारिताको माध्यमवाट खोजमुलक, अनुसन्धानमुलक सूचना प्राप्त गरि समाचार प्रकाशित तथा प्रसारण गरि देश र जनतलाई सुसूचित बनाउन तथा शुसासन स्थापनामा महत्वपूर्ण भूमिका खेलेको भन्दै पत्रकार शिवाकोटीलाई नगद ५ लाख रुपैयाँ सहित सम्मान–पत्रले सम्मानित गरिएको हो ।
पत्रकार शिवाकोटी सँगै आर्थिक दैनिकका सम्पादक प्रल्हाद रिजाल पनि उक्त अवार्डवाट सम्मानित भएका छन् । आर्थिक दैनिकका सम्पादक रिजालले बालुवाटारस्थित ललिता निवास जग्गा प्रकरणको बिसयमा पहिलो पटक समाचार सार्वजनिक गरेका थिए । ललिता निवास जग्गा प्रकरणमा अहिले दर्जनौ नेताहरु र प्रतिष्ठत व्यक्ति समेत बिवादमा तानिएका छन् भने सो बिषयलाई लिएर अहिले सर्वोच्च अदालतमा मुद्धा समेत चलिरहेको छ ।
पत्रकार शिवाकोटीले तत्कालिन संचार तथा सूचना मन्त्री गोकुल बाँस्कोटा र सभामुख कृष्ण बहादुर महरा प्रकरणको बिषयलाई लिएर पहिलो पटक समाचार प्रकाशन गर्ने प्रधान सम्पादक शिवाकोटीलाई रोटरी वर्ष २०१९–२० को अवसर पारेर ५ लाख रुपैयाँ नगद सहित अवार्ड प्रदान गरिएको हो ।
रोटरी इन्टरनेशनलले प्रत्येक वर्ष एकजनालाई प्रदान गरिने एकमुष्ठ दश लाख रुपैयाँ राशीको अवार्ड रोटरी वर्ष २०१९–२० मा दुई पत्रकारलाई बितरण गरेको हो । रोटरी इन्टरनेशनलका अध्यक्ष शेखर मेहता, ललितपुर महानगरपालिकाका प्रमुख चिरिबाबु महर्जन, अवार्डका संस्थापक तथा रोटरी क्लब अफ यल (पाटन ललितपुर) का पूर्व अध्यक्ष सुरेन्द्र गोबिन्द जोशी, श्रीमती बद्रीलक्ष्मी जोशी लगाएतको टोलीले पत्रकारद्धय शिवाकोटी र रिजाललाई पुरस्कार रकम र सम्मान–पत्रले सम्मानित गरेको हो ।