रामेछाप । जिल्ला निर्वाचन कार्यालय रामेछापले आगामी बैशाखमा हुने निर्वाचनलाई मर्यादित र भयरहित बनाउन निर्वाचन आयायोगले बनाएको आचारसंहिताका बिषयमा जिल्लाका सरोकारवाला व्यक्तिहरुसँग राय सुझाव संकलन गरेको छ ।
निर्वाचन कार्यालयले बिहिवार जिल्ला समन्वय समितिको सभाहलमा गरेको उक्त अन्र्तक्रिया कार्यक्रममा सहभागी राजनितिक दल, सरकारी कार्यालयका प्रमुख तगा गैरसरकारी संघसंस्थाका प्रतिनिधिहरु, स्थानिय तहका प्रमुखहरु, जिल्लास्थित संचारकर्मीहरुसँग सुझाव संकलन गरेको हो । निर्वाचन आयोगले निमार्ण गरेको आचारसंहिता पूर्णरुपमा कार्यान्वयन गराउनको लागि सरोकारवाला बिच इमान्दारीताको खाँचो रहेकाले सबैजनाले सामुहिक प्रतिवद्धता कायम गरे मात्रै निर्वाचन आचारसंहिता पूर्णरुपमा कार्यान्वयन हुने उमाकुण्ड गाउँपालिका प्रमुख शेरवहादुर सुनुवारले जानकारी दिए ।
निर्वाचनको समयमा निर्वाचन आयोगले बनाएको आचारसंहिता पालना नगरी उल्घंङ्घन गर्नेलाई के–कस्तो कारवाही हुने निर्वाचन आयोगले प्रष्ट पार्नुपर्ने सहभागीहरुले सुझाएका थिए । त्यस्तै प्रतिनिधिसभा निर्वाचनको लागि कम्तीमा दुई महिना पार्टीका नेताहरुले चुनाव प्रचार–प्रसार गर्न पाउँनुपर्ने र मतदान गराउन जाने कर्मचारीहरुले कम्तीमा खाने र बस्ने व्यवस्था मतदाताको घरमा गर्नै नहुने नेपाली काँग्रेसका जिल्ला सचिव लेखबहादुर कार्कीले जानकारी दिए । उनले भने– राजनितीक दलहरुले सञ्चारमाध्यममा समय किनेर प्रसस्त मात्रामा प्रचार–प्रसार गर्न पाउनुपर्ने र आचारसंहिता नमान्नेको हकमा अनिवार्य रुपमा दण्ड वा सजाय किटान हुनुपर्ने बताए ।
त्यस्तै कार्यक्रममा सहभागी पत्रकारहरुले निर्वाचनको समयमा जिल्लाका संञ्चारमाध्यमहरुले निर्वाचनको प्रचार–प्रसार गर्न थोरै समय मात्रै भएकाले यसलाई बढाएर लामो समय पार्नुपर्ने बताएका थिए । निर्वाचनको समयमा निर्वाचन आचारसंहिता निमार्ण गर्नु भन्दा त्यसलाई कडाईका साथ पालना गर्नु ठूलो कुरा भएकाले निर्वाचन आयोगले बनाएको आचारसंहिता माथि जिल्लामा उठेका सुझावहरुलाई सम्वन्धित ठाउँमा परामर्शको लागि पठाउनु उपयुक्त हुने रामेछापका प्रमुख जिल्ला अधिकारी अर्जुनकुमार शर्माले जानकारी दिए ।
अन्र्तक्रिया कार्यक्रममा निर्वाचन आयोगले निमार्ण गरेको आचारसंहिता माथि आएका सबै सुझाबहरुलाई एकढिक्का बनाई सम्वन्धित निर्वाचन आयोगमा पठाउने र निर्वाचन आयोगवाट पास भएर आएका आचारसंहितालाई पूर्णरुमा कार्यान्वयनमा ल्याइने जिल्ला निर्वाच कार्यालय रामेछापका निर्वाचन अधिकारी शम्भुकुमार कटुवालले जानकारी दिए ।
