तोरी उत्पादन घट्यो

अर्थ कृषि
  • 64
    Shares

रामेछाप । रामेछापमा बिगतको वर्षमा भन्दा यसवर्ष हिउँदमा लगाइने तोरी उत्पादनमा गिरावट आएको छ ।
रामेछापमा हिउँदको समयमा बर्षाद नभएपछि तोरी उत्पादनमा गिरावट आएको हो । जिल्लाको रामेछाप नगरपालिका, सुनापति गाउँपालिका, दोरम्वा गाउँपालिका, लिखुतामाकोशी गाउँपालिका, मन्थली नगरपालिका, खाँडादेवी गाउँपालिकामा किसानहरुले बिशेषगरी तोरी खेती गर्दै आएका छन् । किसानले वारी तथा खेतमा लगाएको तोरीबाट तेल पेलेर घरमा उपभोग गर्दै आएको भएता पनि यसवर्ष भने उत्पादनमा गिरावट आएँसगै सबै किसानहरु निराश बन्न पुगेको रामेछाप नगरपालिका वडा नं–७ सुकाजोरका किसान रुपा कार्कीले जानकारी दिइन ।


गएको वर्ष हिउँदमा पनि समयमा पानी परेकाले तोरी उत्पादन राम्रो भएको थियो । यसवर्ष हिउँदमा पानी नै परेन । पाखो वारी तथा पाखे खेतमा लगाएको तोरी बालीमा सिंचाई गर्ने पानी नभएकै कारण पानी लगाउन सकिएन् । पानी नभएकै कारण यसवर्षको तोरीको वोटमा दाना नै लागेन । पाखो वारीमा त पानी अभाव भएकै कारण कतिपय किसानहरुको तोरी बारीमा नै सुकेको रामेछाप नगरपालिकाका कृषि प्राविधिक कृष्ण भुजेलले जानकारी दिए ।

Facebook Comments

  • 64
    Shares