नेपाली सेनासँग Empanelled सम्झौता गरिएको तामाकोशी इङ्गलिस बोर्डिङ्ग स्कुलको आयोजनामा मन्थली माध्यमिक विद्यालयमा एक दिवसीय उत्प्रेरणामूलक कक्षा सम्पन्न भएको छ। श्री खड्गदल गण, रामेछापको संयोजनमा कार्यक्रम सञ्चालन भएको हो। कार्यक्रममा श्री नं. ९ वाहिनी अड्डाका वाहिनीपति सहायक रथी भूमि भक्त बरालले सहजीकरण गर्नुभएको थियो। उहाँले विद्यार्थीलाई अनुशासन, लक्ष्य र सफलताका विषयमा व्यावहारिक मार्गदर्शन दिनुभयो। उक्त कार्यक्रममा आयोजक तामाकोशी इङ्गलिस बोर्डिङ्ग स्कुलसहित मन्थली माध्यमिक विद्यालयका कक्षा ८ देखि १० सम्मका विद्यार्थीहरूको सहभागिता रहेको थियो। कार्यक्रमले विद्यार्थीहरूमा नयाँ उत्साह र सकारात्मक सोच थपेको छ।
