राष्ट्रिय परीक्षा बोर्डको ‘नतिजा नसच्चिने’ अडानविरुद्ध एक प्रधानाध्यापकले सिंहदरबारसम्म पुगेर गरेको सङ्घर्षले अन्ततः ६१ जना विद्यार्थीको भविष्य सुरक्षित भएको छ। शैक्षिक सत्र २०८२ को एसईई परीक्षामा रामेछापको खिम्तिमा रहेको तामाकोशी जनजागृति माविले पठाएको आन्तरिक मूल्याङ्कनभन्दा कम अङ्क प्रविष्टि भएर विद्यार्थीको नतिजा बिग्रिएपछि प्रधानाध्यापक छविलाल श्रेष्ठ न्यायका लागि तल्लीन हुनुभएको थियो।सुरुमा परीक्षा नियन्त्रक र कर्मचारीहरूले नतिजा संशोधन गर्न अस्वीकार गरेपछि प्रधानाध्यापक श्रेष्ठले हरेस नखाई सिधै शिक्षा मन्त्रालय पुगेर माननीय शिक्षा मन्त्रीसमक्ष गुहार माग्नुभएको थियो। उहाँको निरन्तरको दबाब र पहलका कारण बोर्ड आफ्नो निर्णयबाट पछि हट्दै नतिजा सच्याउन बाध्य भएको हो।पुनः प्रकाशित नतिजा अनुसार परीक्षामा सामेल भएका ६१ जना नै विद्यार्थी उत्कृष्ट अङ्कका साथ सफल भएका छन्। जसमा विद्यार्थी साइमन श्रेष्ठले ४ जीपीए (4 GPA) समेत हासिल गरेका छन्। प्रशासनिक त्रुटिका कारण मानसिक तनाव खेपेका विद्यार्थीहरूले अन्ततः आफ्नो वास्तविक सफलता पाएका छन्। प्रधानाध्यापक श्रेष्ठले यस कठिन घडीमा धैर्य राख्ने विद्यार्थी, शिक्षक र अभिभावक सबैलाई धन्यवाद दिँदै खुसी व्यक्त गर्नुभएको छ।
यस्तो छ प्रधानाध्यापकले गर्नु भएको पोस्ट । तल क्लिक गर्नुहोस् पोस्ट हेर्न
https://www.facebook.com/100007702420102/posts/4480619725538064/?app=fbl
