रामेछाप । दोरम्बा–शैलुङ गाउँपालिकामा मेलमिलाप सम्बन्धी तालिम सुरू भएको छ। स्थानीय तहमा बढ्दो विवादलाई समुदायमै समाधान गर्ने उद्देश्यले तालिम सञ्चालन गरिएको हो।
तालिमको उद्घाटन गाउँपालिकाका अध्यक्ष मैन कुमार मोक्तानले गर्नुभएको थियो। उद्घाटन कार्यक्रममा बोल्दै अध्यक्ष मोक्तानले समुदायस्तरमै विवाद समाधान गर्ने सीप विकास हुनु आवश्यक रहेको बताउनुभयो। उहाँले यस्ता तालिमले न्यायमा सर्वसाधारणको पहुँच सहज बनाउने विश्वास व्यक्त गर्नुभयो।
कार्यक्रमको अध्यक्षता न्यायिक समितिकी संयोजक तथा गाउँपालिकाकी उपाध्यक्ष खमला थापा मगरले गर्नुभएको थियो। उहाँले मेलमिलापकर्ताहरूको भूमिका स्थानीय न्याय प्रणालीमा महत्वपूर्ण हुने उल्लेख गर्दै सहभागीहरूलाई सिकाइलाई व्यवहारमा उतार्न आग्रह गर्नुभयो।
तालिममा गाउँपालिकाभरिका २६ जनाको सहभागिता रहेको छ। सहभागीहरूलाई मेलमिलापका सिद्धान्त, प्रक्रिया तथा व्यवहारिक पक्षबारे प्रशिक्षण दिइने आयोजकले जनाएको छ।
Bottom of Form
