रामेछाप । नेपाल प्रहरीमा कार्यरत प्राविधिक (संचार) तर्फका कर्मचारीहरुको बढुवामा भद्रगोल देखिएको छ । नेपाल प्रहरीमा २९ महिना देखी बढुवा रोकिएपछि नेपाल प्रहरीमा कार्यरत कर्मचारीहरु निरास बनेका छन् ।
नेपाल प्रहरीमा कार्यरत प्रहरी हवल्दारवाट प्रहरी सहायक निरिक्षक र प्रहरी नायव निरिक्षकवाट प्रहरी निरिक्षक पदमा बढुवा रोकि अन्य प्राविधिक तथा प्रशासन तर्फ बढुवा निकालिरहेको प्रहरी सेवामा कार्यरत कर्मचारीहरुले जानकारी दिएका छन् । प्राविधिक तर्फको दरवन्दी प्रयाप्त मात्रामा रिक्त रहदा पनि प्रहरी प्रशासनले चासो नदेखाएका कारण उनीहरुको बृत्तिविकासमा समस्या भएको हो ।
दरवन्दी रिक्त रहदा पनि अन्य पदमा बढुवाको सिफारिस गर्दै आएको नेपाल प्रहरीले प्राविधिक तर्फको पदमा बढुवा नगरेपछि नेपाल प्रहरीमा कार्यरत कर्मचारीहरुमा नैराश्यता उत्पन्न भएको हो । दरवन्दी प्रयाप्त मात्रामा खालि छ, तर अन्य पदमा बढुवा गर्दै आएको प्रहरी प्रशासनले प्राविधिक तर्फको बढुवामा ध्यान नदिदा आफुहरुमा वितृष्णा जागेको एक प्रहरीले आफ्नो नाम नछाप्ने शर्तमा बताए ।
दरवन्दी रिक्त रहँदा समेत प्राविधिक तर्फका कर्मचारीको बढुवा रोकिएको बिषयमा प्रहरी प्रधान कार्यालय नक्सालका कर्मचारी प्रशासन शाखाका एसपी जनार्जन जिसीले प्राविधिक प्रहरीको बढुवामा केही वाधा अड्चन भएकाले बढुवा प्रक्रिया रोकिएको थियो । अहिले उक्त समस्याको समाधान हल भइसकेको हुँदा चाडै बढुवा प्रक्रिया शुरुवात हुने जानकारी दिए ।
