काठमाडौं, १ पुस – एमालेको नेतृत्व चयनका लागि हुन लागेको मतदान प्रक्रिया प्राविधिक कारणले आज स्थगित गरिएको छ । महासचिव शंकर पोखरेलले मतदानस्थलबाटै जानकारी दिँदै भने, “प्राविधिक कारणका साथै चिसो मौसमका कारण आज मतदान सुरु गर्न सम्भव भएन । त्यसैले मतदान प्रक्रिया भोलि बिहान ८ बजेदेखि यही स्थानमा सञ्चालन हुनेछ।”
मतदानका लागि प्रतिनिधिहरू लाइनमा बसेका थिए, र बिहान १२ बजेबाट सुरु हुने भनिएको प्रक्रिया प्राविधिक समस्या देखाउँदै साँझ ८ बजेसम्म सरेको थियो। तर साँझसम्म पनि मतदान हुन नसक्दा अन्ततः स्थगित गर्नु परेको हो ।
