विपिन जोशी हमासको अपहरणमा परेको एक बर्ष पुग्नै लाग्दा पनि अवस्था बारे विश्वासिलो र पुस्टि हुने जानकारी भएको छैन । कृषि अध्ययनका लागि इजरायल पुगेका जोशी हमासको कब्जामा परेका थिए । तर हालसम्म उनको अवस्था बारे बिश्वासिलो जानकारी भएको छैन । तर उनी जीवितै फर्किने आशा घरपरिवार र देशले गरिरहेको छ । यसैबिच उनी जीवितै रहेको हुन सक्ने खबर आएको छ ।
जोशी सहित गाजामा हमासको कब्जामा रहेका २२ बन्धकहरूमध्ये नेपाली विपिन जोशी पनि जीवितै रहेको इजरायलले विश्वास गरेको छ। वासिङ्टन पोस्टको एक रिपोर्टअनुसार विपिनसहितका बन्धकहरू जीवितै छन्।
७ अक्टोबर २०२३ मा हमासले इजरायलमा आक्रमण गरेपछि युद्ध सुरु भएको थियो। उक्त आक्रमणमा १,२०० जनाको मृत्यु भएको थियो भने २५१ जनालाई अपहरण गरिएको थियो। इजरायलको आक्रमणमा ६७,००० भन्दा बढी प्यालेस्टिनी मारिएका छन्।
आक्रमण हुनु एक महिनाअघि मात्र नेपालबाट विपिन जोशी इजरायल गएका थिए। उनी किब्बुट्ज अलुमिममा कृषि अध्ययन गर्न आएका थिए। आक्रमणमा उनी घाइते भई अपहरणमा परेका थिए। उनी गाजामा जीवित रहेको विश्वास गरिएका एकमात्र गैर–इजरायली बन्धक हुन्।
आज विपिन अपहरणमा परेको ३३७ दिन पुगिसकेको छ। परिवारले उनको मुक्तिका लागि निरन्तर प्रयास गरिरहेका छन्।
