जिल्ला हुलाक कार्यालय रामेछापले माध्यमिक तहका विद्यार्थीका लागि चिट्ठी लेखन प्रतियोगिता आयोजना गरेको छ । हाम्रो जिल्ला हुलाक लाई कसरी राम्रो बनाउन सकिन्छ ? भन्ने विषयमा प्रतियोगिता सुरु गरिएको हो ।
कार्यालयका अनुसार प्रतियोगितामा कक्षा ९ देखि १२ सम्मका विद्यार्थीहरूले भाग लिन पाउने छन् । उनीहरुले अधिकतम १००० शब्दको नेपालीमा मौलिक चिट्ठी लेखेर हुलाक सेवा प्रयोग गरी वा आफै उपस्थित भएर हुलाक कार्यालयमा बुझाउनुपर्ने निमत्त हुलाक अधिकृत बैकुन्ठ लामिछानेले बताउनु भयो । चिट्ठीहरू असोज २७ गते भित्र पठाइ सक्नु पर्ने छ ।
प्रतियोगिताको उद्देश्य युवाबाट हुलाक सेवालाई आधुनिक र प्रभावकारी बनाउन नयाँ विचार संकलन गर्नु रहेको निमित्त अधिकृत लामीछानेले बताउनु भयो । प्रतियोगितामा उत्कृष्ट तीन जनालाई क्रमशः रु. २०००, १५०० र १००० सहित प्रमाणपत्र प्रदान गरिने हुलाक कार्यालयले जनाएको छ ।
