मन्थली-चौथो सुनापती गाउँपालिका अध्यक्ष कप- खुल्ला पुरुष भलिबल प्रतियोगिता-२०८२ आयोजना हुने भएको छ।स्वास्थ्यका लागि खेलकुद, राष्ट्रका लागि खेलकुद” भन्ने मूल नाराका साथ कार्तिक ९- १२ गते सम्म प्रतियोगिता हुने भएको हो ।‌ सुनापती खेलकुद विकास समितिले आयोजना गर्ने सो प्रतियोगिता वडा नं. ३, हिलेदेवी खेलमैदानमा सञ्चालन हुने छ । नेपालको राष्ट्रिय खेल भलिबललाई प्रवर्द्धन गर्ने उद्देश्यका शुभ दीपावली, नेपाल संवत र तथा छठ पर्वको अवसरमा प्रतियोगिता हुने गाउँपालिकाले जनाएको छ ।‌प्रतियोगितामा आकर्षक नगद पुरस्कारको व्यवस्था रहेको छ । प्रतियोगितामा विजेताले टिमले एक लाख पचास हजार रुपैयाँ प्राप्त गर्ने छ भने उपविजता टिमले एक लाख रुपैयाँ हात पार्ने छ। त्यसैगरी, तृतीय हुने टिमलाई पचास हजार र सान्त्वना पुरस्कार २५ हजार रुपैयाँ प्रदान गरिने आयोजकले जनाएको छ । प्रतियोगितामा सहभागी हुन चाहने टिमका लागि दर्ता शुल्क पाँच हजार रुपैयाँ तोकिएको छ। टिम दर्ताको अन्तिम मिति कार्तिक ०७ गते बिहान १० बजेसम्म रहेको छ।