मन्थली–सरकारले जेनजी आन्दोलनका मृत्तकहरुलाई शहीद घोषणा गर्ने र उनीहरुको परिवारलाई १० लाख दिने निर्णय गरेको छ । यो निर्णय आइतबार प्रधानमन्त्री सुशीला कार्कीको पदभार ग्रहण कार्यक्रममा सार्वजनिक गरिएको हो । साथै, आन्दोलनका घाइतेहरुलाई निःशुल्क उपचारको व्यवस्था गर्ने पनि सरकारले निर्णय गरेको छ ।
मुख्य सचिव एकनारायण अर्यालले जेनजी आन्दोलन हिंसात्मक बनेपछि मृत्यु हुनेको संख्या ७२ पुगेको जानकारी दिए । जसमा ५९ जना प्रदर्शनकारी, १० जना कैदी र ३ जना सुरक्षाकर्मीको निधन भएको छ । अर्यालका अनुसार १३३ जना प्रदर्शनकारी र ५७ सुरक्षाकर्मी घाइते भएका छन्, उनीहरुको देशको विभिन्न अस्पतालमा उपचार हालसम्म जारी रहेको छ ।
