रामेछाप । नेकपाका प्रधानमन्त्री केपी शर्मा ओलीले संसद विघटन गरेको विरोधमा नेकपा प्रचण्ड–माधव समुहले दोस्रो चरणको कार्यक्रम अनुसार आइतवार सदरमुकाम मन्थलीको सडकमा संविधान वाचन गरेर विरोध प्रर्दशन गरेका छन् ।
नेकपाका प्रधानमन्त्री केपी शर्मा ओलीले असंवैधानिक रुपमा संसद विघटन गरेर संविधानको पाना च्यातेको आरोप नेकपाका केन्द्रिय सदस्य तथा रामेछापका जिल्ला इन्चार्ज देवशंकर पौडेलले जानकारी दिए । उनले भने– अहिले प्रधानमन्त्रीले संसद विघटन गरेको बिषयमा पूर्व प्रधानन्यायाधिस, सर्वोच्चका न्यायाधिस र संविधानविद्हरुले विरोध जनाइरहेको बताए ।
त्यसैगरी विरोध कार्यक्रममा प्रदेश सचिवालय सदस्य तथा नेकपा प्रचण्ड–माधव समुहका जिल्ला सचिव शान्तिप्रसाद पौडेलले अहिले मुलुक नै कोरोना महामारीले गाजिरहेको बेला जनताको चाहना विपरित प्रधानमन्त्रीले संसद विघटन गरेर मध्यावधि चुनाव गराउछु भन्नु असंवैधानिक कदम भएको बताए ।
मन्थलीको सडकमा नेकपा प्रचण्ड–माधव समुहका रामेछापका जिल्ला अध्यक्ष मयनकुमार मोक्ताननले संविधानको धारा ७६ को वुदा नं १ देखी ७ नम्वर बुदासम्म पढेर सहभागीहरुलाई सुनाएका थिए । विरोध सभामा सहभागी कार्यकर्ताहरुले प्रधानमन्त्री केपी शर्मा ओलीको विरुद्धमा विभिन्न नाराहरु लगाउँदै संसद पुनःस्थापनाको माग गरेका थिए ।
यसैगरी सोही कार्यक्रममा प्रचण्ड–नेपाल समुहले सदस्य द्धय आनन्द श्रेष्ठ र पुरुषोत्तम कडेरीयालाई साधारण सदस्य समेत नरहने गरी निष्कासन गरिएको जनाएका छन् । प्रचण्ड–माधव समुहले निष्कासन गरेको दुई सदस्य अहिले प्रधानमन्त्री केपी शर्मा ओली समुहको आनन्द श्रेष्ठ जिल्ला अध्यक्षमा चयन भएका छन् भने सचिवमा पुरुषोत्तम कडेरिया चयन भएका छन् ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
