रामेछाप । नयाँ पाठ्यक्रम सहितको विश्वविद्यालय सञ्चालनमा ल्याउने तयारी गरिरहेको बागमती प्रदेश सरकारका सामाजिक विकास मन्त्री हरी प्रभा खड्कीले बताउनु भयो । शुक्रबार मन्थली नगरपालिकाले आयोजना गरेको प्रधानाध्यापक र स्थानीय सरकार सँग अन्तरक्रिया कार्यक्रमलाई सम्बोधन गर्दै नयाँ पाठ्यक्रम सहितको विश्वविद्यालय सञ्चालनमा ल्याउने तयारी भई रहेको बताउनु भएको हो ।
मन्त्री खड्कीले कार्यक्रमलाई सम्बोधन गर्दै विश्वविद्यालय सञ्चालनमा ल्याउन मन्त्रालयले उपकुलपति नियुक्ति गरेर पाठ्यक्रम बनाउने काम भइरहेको बताउनु भएको छ । मन्त्री खड्कीले भन्नु भयो“ हामीले उपकुलपति नियुक्ति गरेर पाठ्यक्रम बनाउने काम गरिरहेको छौँ । नयाँ पाठ्यक्रम सहितको छिटै विश्वविद्यालय सञ्चालनमा आउँछ । त्यसका लागी पूर्व मुख्यमन्त्री, मन्त्री र विषय विशेषज्ञहरू सँग पनि बसेर छलफल गरिरहेका छौँ” । बागमती प्रदेश सरकारले प्रविधि सँग जोड्दै नैतिक शिक्षा लागु गर्नु पर्ने कुरामा आफूले जोड दिएको मन्त्री खड्कीले बताउनु भयो ।
भौतिक संरचना बनाएर मा शैक्षिक सुधार नहुने भन्दे शैक्षिक क्षेत्रको विकासका लागी नीतिगत शैक्षिक सुधारका योजना ल्याउन प्रधानध्यापकहरुलाई मन्त्री खड्कीले आग्रह गर्नु भएको छ । मन्त्री खड्कीले बागमती प्रदेशको अधिकांश विद्यालयहरूमा भौतिक संरचना बनिसकेको भन्दै अब शैक्षिक क्षेत्रको सुधारका लागी काम गर्नु पर्ने बताउनु भयो ।