रामेछाप । खाँडादेवी गाउँपालिकाको १६ औँ गाउँ सभा वडा अध्यक्षहरूले बहिस्कार गरेका छन् । वडा अध्यक्षहरूले गाउँभामा बहुमतको कदर नभएको भन्दै बहिस्कार गरेका छन् । वडा अध्यक्षहरूको विरोध पछि गाउँ सभा स्थगित भएको छ ।
गाउँपालिका अध्यक्ष श्रेष्ठले वडा कार्यालय र कार्यपालिकाको दुई तिहाइ सदस्यको निर्णयलाई समेत लत्त्याए सँगै वडा अध्यक्षहरूले गाउँभामा बहिस्कार गरेको वडा नम्बर २ का वडा अध्यक्ष पुष्कर कुमार कार्कीले जानकारी दिए । कार्यपालिकाको कुनैपनी कुरा नसुन्ने आफ्नो मात्र कुरा लाद्ने काम भएपछि सबै वडा अध्यक्षहरूले बहिस्कार गरेर हिँडेको वडा अध्यक्ष कार्कीले जानकारी दिए । गाउँपालिकाको सभा हलमा सोमबार सुरु भएको गाउँभामा वडा अध्यक्षहरूले केही योजना रकमान्तर गर्न माग राखेका थिए । गाउँपालिका अध्यक्ष श्रेष्ठले भने कुनै पनि योजना रकमान्तर गर्न नमिल्ने अडान राखेपछि विवाद भएको खाँडादेवी गाउँपालिका वडा नम्बर २ का वडा अध्यक्ष केशव कुमार प्रधानले जानकारी दिए । वडा अध्यक्ष प्रधानका अनुसार सुनार खोक गोगन पानी सडकमा विनियोजन गरेको ८ लाख बजेट असोज १० र ११ गतेको अविरल वर्षा पछि आएको बाढी पहिरोले क्षत विक्षत भएको सडक मर्मत गर्न रकमान्तर गर्नु पर्ने वडा नम्बर ३ का वडा अध्यक्ष पुष्कर कुमार कार्कीले प्रस्ताव राखेका थिए । वडा कार्यालयबाट सर्वसम्मत भएर आएको योजना कार्यपालिकाका अन्य सदस्यले समेत समर्थन गर्दा समेत गाउँपालिका अध्यक्षले कार्यपालिकाको बहुमत सदस्यले भनेर हुन्न भन्दै बजेट रकमान्तर गर्न नमाने सँगै विवाद भएको जानकारी दिए ।
गाउँपालिकाका प्रमुख प्रशासकीय अधिकृत पदमबहादुर बस्नेतले वडा अध्यक्षहरूको विरोधका कारण तत्कालका लागी गाउँ सभा रोकिएको जानकारी दिएका छन् ।
