रामेछाप । संविधान दिवसको अवसरमा सोमबार मूल समारोह समिति रामेछापले रक्तदान कार्यक्रम आयोजना गरेको छ । नेपाल रेडक्रस सोसाइटी रामेछाप शाखा मन्थली सँगको सहकार्यमा संविधान दिवस जिल्ला मूल समारोह समिति रामेछापले रक्तदान कार्यक्रम आयोजना गरेको हो ।
मूल समारोह समितिले भाद्र ३१ गते सोमबार बिहान ७ बजे जिल्ला समन्वय समितिको प्राङ्गणमा रक्तदान कार्यक्रम आयोजना गरेको छ । त्यस्तै असोज १ र २ गते मन्थली मावि र तीनलाल पार्क पछाडिको खुल्ला चौरमा भलिबल र फुटबल खेल सञ्चालन हुने भएको छ । साथै असोज तिन गते संविधान दिवसको अवसरमा विभिन्न सङ्घ संस्था सहित र्याली सहित मनाउने कार्यक्रम आयोजना गरेको जिल्ला समन्वय समितिका प्रमुख चिना खड्का (कार्की)ले बताउनु भयो ।
