काठमाडौँ । रामेछापका प्रतिनिधिसभाका सदस्य पूर्णबहादुर तामाङ कान्छारामले बाढी पीडितको उद्धार र राहतमा अब दुई ठुला दल मिलेर अघि बढ्न पर्ने बताएका छन् । प्रतिनिधि सभामा विशेष समय लिएर सांसद पूर्णबहादुर तामाङ कान्छारामले अहिलेको सरकारले कसरी सरकार जोगाउने भन्नेमा मात्र लागेको भन्दै देशको ठुलो दल नेपाली काँग्रेस र नेकपा एमाले एक भएर तत्काल बाढी पीडितको उद्धार र राहतमा जुट्न पर्ने बताउनु भएको छ ।
प्रतिनिधिसभाको आइतबारको बैठकमा विशेष समय लिएर बोल्दै नेपाली काँग्रेस रामेछापका सभापति समेत रहनुभएको तामाङले भन्नु भयो ‘‘सांसदमा घरी हामीलाई यो कुनामा लगेको छ । घरी त्यो कुनामा लगेको छ । आज यो कुनामा छौँ । भोली कुन कुनामा हुन्छौँ । थाहा छैन । अब ठुलो दल नेपाली काँग्रेस र नेकपा एमाले सरकारका जान लागेको छ । अब बन्ने सरकारलाई कम्तीमा तीन वर्षसम्म लैजानका लागि नेकपा एमालेका अध्यक्ष ज्यु र नेपाली काँग्रेसका सभापति ज्युलाई आग्रह गर्दछु भन्नु भएको छ । त्यस्तै गरी अब हामी सांसदहरूलाई ओल्लो कुना र पल्लो कुनामा नपार्ने गरी देश बनाउन लाग्न एमाले अध्यक्ष र काँग्रेस सभापतिलाई शुभकामना दिन चाहन्छु ।’’ अब बन्ने सरकारले यो पार्टी त्यो पार्टी नभनी एकजुट भएर जनताको चाहना अनुसार देश बनाउन लाग्नुपर्नेमा उहाँको जोड छ । अहिले देश गारो अवस्थामा रहेकाले अब देशलाई कसरी बचाउने भन्ने दीर्घकालीन योजनाका साथ आफ्नो पार्टी नभनी ७७ वटै जिल्लाका जनताका चाहना अनुसार काम गर्नुपर्ने उहाँको भनाइ छ ।
साथै निर्माण व्यवसायीहरूले काम सम्पन्न गर्दा समेत भुक्तानी हुन नसकेको भन्दै असोज मसान्त सम्मको बैङ्क व्याज सरकारलाई तिरिदिन समेत आग्रह गर्नु भएको छ । तत्काल एक खर्व भन्दा बढी व्यवसायिहरुलाई सरकारले भुक्तानी दिन अहिले सक्ने अवस्था नदेखिएकोले बैक व्याज सरकारले तिरिदिन पर्ने धारणा समेत राख्नु भएको छ ।