रामेछाप । रामेछापमा ८२ बर्षिय आफ्नै बृद्ध बुबाको हत्या गरेको आरोपमा छोरा प्रक्राउ परेका छन् । गोकुलगंगा गाउँपालिका वडा नम्बर ४ बेतालीमा ८२ बर्षिय बृद्धलाई खुकुरी प्रहार गरि घाइते बनाएको अवस्थामा स्थानियले फेला पारेका थिए । स्थानिय लिसेखानी टोलमा बस्दै आएका करिब ८२ वर्षीय वृद्ध शमशेर बहादुर थापामगरलाई साँझ करिब ७ बजेको समयमा खुकुरी प्रहार भएको हो ।
२ नातिनी सहित आफ्नै घरमा बसिरहेको अवस्थामा अज्ञात ब्यक्तिले थापामगरमाथि खुकुरी प्रहार गरि भागेका थिए ।खुकुरी प्रहारबाट घाइते भएका उनलाई उपचारका लागि मन्थली ल्याउने क्रममा बाटोमै मृत्यु भएको रामेछाप प्रहरी प्रमुख डिएसपी गोकुलगंगा गाउँपालिका वडा नम्बर ४ का वडाध्यक्ष रामचन्द्र बस्नेतले जानकारी दिनुभयो । उहाँका अनुसार खुकुरी प्रहारबाट थापामगरको टाउकोमा गम्भीर चोट लागेको थियो ।
केहि दिन अघि विरामी भएर श्रीमती उपचारको लागि काठमाडौ गएकाले बृद्ध भने दुई नातिनीका साथ घरमा बस्दै आएका थिए । नातिनीहरु घर बाहिर निस्किएको मौकाछोपि बृद्ध माथि खुकुरी प्रहार भएको थियो । कस्ले र किन खुकुरी प्रहार गरेको भन्ने विषयमा केहि नखुलेको भएपनि प्रहरिले मृतकका आफनै छोरालाई भने पक्राउ गरि अनुसन्धना प्रकृया अघि बढाएको रामेछापका प्रहरी प्रमुख होम बहादुर पराजुलिले बताउनु भयो ।
घटना रहस्यमय भएकोले हामिले प्रदेश प्रहरि कार्यालय हेटौडाबाट थप अनुसन्धानका लागि तालिम प्राप्त कुकुर झिकाई सकेकाले चाँडै अपराधि पत्ता लाग्ने विश्वास पनि प्रमुख पराजुलिले बताउनु भयो । अनुसन्धानका लागि रामेछापका प्रहरी निरिक्षक रञ्जन गिरीको नेतृत्वमा टोली खटिई रहेको छ ।
यसै गरि करिब २ महिना अघि बेताली ४ कै भिमसेनथानमा ७६ वर्षीया वृद्धा पदमकुमारी खड्काको आधा शरीर जलेको अवस्थामा शंकास्पद शव फेला परेको थियो । उक्त घटनाको संलग्न ब्यक्तिलाई पनि प्रहरिले अहिले सम्म पहिचान गर्न नसकेपछि बेताली र सिङ्गो गोकुलगंगा गाउँपालिकानै आतंकित बनेको छ ।
दुवै घटना एकै गाउँका र नजिकै नजिकैको मितिमा घटेकोले आफुहरुका लागि पनि अपराधि पत्ता लगाउने कुरामा चुनौति थपिएको पनि प्रमुख पराजुलिले बताउनु भयो । उहाँले भन्नु भयो –त्यसैले पनि हामीले थप अनुसन्धानका लागि तालीम प्राप्त कुकुर पनि भिकाएका हौं ।
