काठमाडौँ ः दाङको तुलसीपुरमा रहेको नयाँ बसपार्कमा ७३ बर्सिया एक वृद्धा सामूहिक बलात्कारमा परेकी छिन् । उनीमाथि बसभित्रै सामूहिक बलात्कार भएको प्रहरीले जनाएको छ । प्युठानकी एक ७३ बर्सिया वृद्धालाई मध्य रातमा पार्किङ गरिएको ना. ४ ख ७८४८ नम्बरको बसबाट उद्धार गरिएको इलाका प्रहरी कार्यालय तुलसीपुरका इन्स्पेक्टर सुशील थापा मगरले जानकारी दिए ।
बलात्कारमा संलग्न गाडीका स्टाफ वर्ष ३० का पुष्कर रोका र वर्ष २० का रेसम विकलाई बसपार्क चौकीका प्रहरीले घटनास्थल बाटै पक्राउ गरेका छन् । उनीहरूमाथि थप कारबाही प्रक्रिया अघि बढाइएको इन्स्पेक्टर मगरले बताए । वृद्धाको अवस्था भने सामान्य रहेको बताइएको छ । महिला पीडितहरूको संरक्षण संस्था गेस्ट हाउसको निगरानीमा रहेको प्रहरीले जनाएको छ ।
