रामेछाप । ६३ बर्षिय महिलालाई जर्बजस्ती करणी गर्न खोज्ने एक युवकलाई प्रहरीले नियन्त्रणमा लिएको छ ।
लिखुतामाकोशी गाउँपालिका वडा नं १ दुरागाउँ सानापानी बस्ने ६३ बर्षिय बृद्धा महिलालाई जर्बजस्ती करणी गर्न खोज्ने सोही गाउँका ३१ वर्षिय राजु कार्कीलाई प्रहरीले पक्राउ गरी जर्वजस्ती करणी उद्योगमा मुद्धा दर्ता गरी रामेछाप जिल्ला अदालतवाट दुई हप्ताको म्याद थप गरेर थप अनुसन्धान अघि वढाइएको जिल्ला प्रहरी कार्यालय रामेछापका प्रवक्ता श्रीशंकर श्रेष्ठले जानकारी दिए ।
उनका अनुसार– घरमा एक्लै बस्दै आएकी बृद्धा महिलालाई रातको समयमा पारी घरभित्र पसेर लडाई जर्बजस्ती करणी गर्न खोजेपछि बृद्धा महिलाले चिच्चाएर गुहार मागेपछि ती युवक घटनास्थलवाट भागेका थिए । घटनाको बिषयमा बृद्धा महिलाले छिमेकीहरुलाई जानकारी गराएपछि छिमेकीको सहयोगमा पिडीत महिलाले इलाका प्रहरी कार्यालय धोवीमा लिखित उजुरी दिएकी थिइन ।
सोही उजुरीको आधारमा इलाका प्रहरी कार्यालय धोवीवाट खटिएको प्रहरीले लुकीछिपी बसेको अवस्थामा लिखुतामाकोशी गाउँपालिका वडा नं १ दुरागाउँवाट युवक कार्कीलाई पक्राउ गरि जिल्ला प्रहरी कार्यालय रामेछापमा ल्याएको हो । हाल उनलाई प्रहरीले हिरासतमा राखी थप अनुसन्धान प्रक्रिया अघि वढाएको जिल्ला प्रहरी कार्यालय रामेछापले जनाएको छ ।
