रामेछाप, १८ जेठ । रामेछाप जिल्ला अदालतबाट विभिन्न मितिमा भएका फैसलाअनुसार जरिवाना तथा कैद सजाय तोकिएर लामो समयदेखि फरार रहेका चार जना प्रतिवादीलाई प्रहरीले पक्राउ गरेको छ।
जिल्ला प्रहरी कार्यालय रामेछापका अनुसार फैसला कार्यान्वयन अभियान अन्तर्गत खटिएको प्रहरी टोलीले निरन्तर खोजतलास गर्ने क्रममा उनीहरूलाई जिल्लाका विभिन्न स्थानबाट पक्राउ गरी आज रामेछाप जिल्ला अदालतमा पेश गरेको हो।
पक्राउ पर्नेहरूमा चोरी मुद्दामा दोषी ठहर भई १ हजार ६ सय २९ रुपैयाँ जरिवाना तोकिएका मन्थली नगरपालिका वडा नं ९ पुरानागाउँ का जाविर कामी रहेका छन्। यस्तै चोरी मुद्दाकै फरार प्रतिवादी लिखुतामाकेसी गाउँपालिका वडा नं २ का ४५ वर्षीय चेतबहादुर राउतलाई पनि पक्राउ गरिएको प्रहरीले जनाएको छ। उनलाई अदालतले १ हजार ८ सय ५० रुपैयाँ जरिवाना तोकेको थियो।
त्यसैगरी गाली बेइज्जती मुद्दामा दोषी ठहर भएका खाँडादेवी गाउँपालिकाका मेघबहादुर तामाङलाई पक्राउ गरिएको छ। उनलाई अदालतले १ हजार २ सय ५० रुपैयाँ जरिवाना तोकेको थियो।
लुटपिट मुद्दामा सजाय पाई फरार रहेका सुनापति गाउँपालिका वडा नं १ का मिश्री तामाङलाई समेत प्रहरीले पक्राउ गरेको छ। उनलाई अदालतले १ सय ८१ रुपैयाँ जरिवाना तोकेको जिल्ला प्रहरी कार्यालय रामेछापका सुचना अधिकारी राजन प्रसाद तिमल्सेनाले जानकारी दिनुभयो।
Bottom of Form
