रामेछाप । बैशाख ३० गते हुने स्थानिय तहको निर्वाचनको लागि रामेछापका ८ वटा स्थानिय तहहरुमा महिलाहरुले उम्मेदवारी दर्ता गराएका छन् ।
जिल्लाको दुईवटा नगरपालिका मध्ये मन्थलीन गरपालिकामा उप–प्रमुख पदमा २ जनाले उम्मेदवारी दर्ता गराएका छन् । जसमा नेपाली काँग्रेसवाट यशोदा श्रेष्ठ र नेकपा एमालेवाट ईश्वरी बस्नेतले उम्मेदवारी दर्ता गराएका हुन् ।
त्यसैगरी रामेछाप नगरपालिकामा उप–प्रमुख पदमा ३ जना महिलाले उम्मेदवारी दर्ता गराएका छन् । जसमा नेपाली काँग्रेसवाट वाला कार्की, शुसिला लामा र नेकपा एमालेवाट सीता केसीले उम्मेदवारी दर्ता गराएका छन् । त्यसैगरी जिल्लाको ६ वटा गाउँपालिका मध्ये उमाकुण्ड गाउँपालिकामा अध्यक्ष पदमा १ र उपाध्यक्षमा २ जना गरी तीन जना महिलाले उम्मेदवारी दर्ता गराएका छन् । जसमा नेपाली काँग्रेसवाट सावीत्री सुनुवार, नेकपा एमालेवाट गंगा कार्की र नेकपा माओवादी केन्द्रवाट अध्यक्ष पदमा लक्ष्मी बस्नेतले उम्मेदवारी दर्ता गराएकी छिन् ।
त्यसैगरी गोकुलगंगा गाउँ पालिकामा ३ जना महिलाले उपाध्यक्ष पदमा उम्मेदवारी दर्ता गराएका छन् । जसमा नेपाली काँग्रेसवाट उषा बस्नेत (कार्की), नेकपा एमालेवाट राधिका श्रेष्ठ र राप्रपावाट उर्मिला श्रेष्ठले उम्मेदवारी दर्ता गराएकाहुन । यस्तै लिखु तामाकोशी गाउँपालिकाको उपाध्यक्ष पदमा २ जना महिलाले उम्मेदवारी दर्ता गराएका छन् । जसमा नेपाली काँग्रेसको तर्फवाट सरस्वती गुरुङ (खडका) र नेकपा एमालेवाट दीपा पाख्रीनले उम्मेदवारी दर्ता गराएका छन् । यसैगरी दोरम्वा शैलुङ गाउँपालिकाको उपाध्यक्षमा तीन जना महिलाले उम्मेदवारी दर्ता गराएका छन् । जसमा नेपाली काँग्रेसवाट खमला थापामगर, नेकपा एमालेवाट मुना कडेल र नेकपा माओवादी केन्द्रवाट देउकुमारी थापामगरले उम्मेदवारी दर्ता गराएका हुन् ।
त्यस्तै सुुनापति गाउँपालिकाको उपाध्यक्षमा ४ जना महिलाहरुले उम्मेदवारी दिएका छन् । जसमा नेपाली काँग्रेसवाट शान्ति मोक्तान, नेकपा एमालेवाट रीता गौतम, नेकपामा ओवादी केन्द्रवाट गीता बिष्ट र एकीकृत समाजवादी पार्टीवाट सरीता खातीले उम्मेदवारी दर्ता गराएका हुन् । यसैगरी खाँडादेवी गाउँपालिकाको उपाध्यक्षमा २ जना महिलाले उम्मेदवारी दिएका छन् । जसमा नेपाली काँग्रेसको तर्फवाट चण्डिका उप्रेती र नेकपा एमालेवाट रमा घिसिङलाई उम्मेदवारी दिएका छन् ।
यसैगरी ८ वटै स्थानिय तहका ६४ वटा वडामा २ सय १७ जना दलित महिला सदस्यले उम्मेदवारी दिएका छन् । जसमा रामेछाप नगरपालिकामा २८ जना, मन्थली नगरपालिकामा ५४ जना, उमाकुुण्ड गाउँपालिकामा २७ जना, खाँडादेवी गाउँपालिकामा २८ जना, गोकुलगंगा गाउँपालिकामा २० जना, दोरम्वा शैलुुङ गाउँपालिकामा २२ जना, लिखु तामाकोशी गाउँपालिकामा २३ जना र सुनापती गाउँपालिकामा १५ जना गरी २ सय १७ जना दलित महिलाले सदस्य पदमा उम्मेदवारी दिएका छन् ।
