काठमाडौं । आज मौसम सामान्यदेखि पूर्ण बदली देशभर वर्षा हुने मौसम पूर्वानुमान महाशाखाले जनाएको छ । दिउँसो देशभर सामान्यदेखि पूर्ण बदली रही अधिकांश स्थानमा हल्कादेखि मध्यम वर्षाको सम्भावना रहेको जनाएको छ । प्रदेश १, बागमती, गण्डकी‚ लुम्बिनी र सुदूरपश्चिम प्रदेशका केही स्थानमा भीषण वर्षाको सम्भावना रहेको छ ।
हाल मनसुनी न्यून चापीय रेखा नेपालको पश्चिमी भू(भागको तराई नजिक रहेको छ । पूर्वी भू(भागमा तराईभन्दा केही पर दक्षिणतिर रहेको महाशाखाले जनाएको छ । बंगालको खाडीको उत्तर पश्चिमी भागमा निम्न चापीय प्रणाली रहेको छ ।
गण्डकी, लुम्बिनी र सुदूरपश्चिम प्रदेशका केहि स्थानमा भने मेघगर्जनसहित भीषण वर्षाको सम्भावना रहेको जनाएको छ । यस्तै‚ राति देशभर सामान्यदेखि पूर्ण बदली रही अधिकांश स्थानमा हल्कादेखि मध्यम वर्षाको सम्भावना रहेको छ