रामेछाप । जिल्ला प्रशासन कार्यालय रामेछापको गेटमा श्रीमान् कायम गरी श्रीमानको घरमा बस्ने वातावरण मिलाई दिन माग गदै बिनु यादव तिन दिन देखी आमरण अनसनमा बेसेकी छिन् । केही वर्ष अघि रामेछाप नगरपालिका वडा नम्बर १ निवासी प्रदीप कठायत सँग यादवको विवाह भएको थियो । यादव र कठायत बिचको सम्बन्धमा समस्या आए पछि कठायत परिवारले सम्बन्ध विच्छेद माग गर्दै जिल्ला अदालतमा सम्बन्ध विच्छेदको लागी माग गरेको थियो । बिनु यादव र प्रदीप कठायत बिच जिल्ला अदालत रामेछापले २०७९ वैशाख ७ गते न्याधिश बद्रीप्रसाद वलीको एकल इजलासले सम्बन्ध बिच्छेद् (डिभोर्स) भएको फैसला गरिदिएको थियो । तर, बिनुले जिल्ला अदालतको उक्त फैसला विरुद्ध २०७९ असार १६ गते उच्च अदालतमा मुद्दा दर्ता गरेकी थिइन् ।
सोही अनुसार गएको जेठ ९ गते उच्च अदालतले जिल्ला अदालतले गरेको बिनु यादव र प्रदीप कठायतको ‘डिभोर्स’को फैसला उल्ट्याइ दिएको थियो । उक्त फैसलाले प्रदीप कठायत र आफू श्रीमान् श्रीमती रहेको पुष्टि गरेको भन्दै आफू श्रीमानको घरमा बस्न पाउनु पर्ने माग गदै अनसनमा बसेकी छिन् ।
कठायत परिवारले भने सर्वोच्च अदालतको फैसला नआए सम्म आफूहरू घरमा लगेर राख्न नसक्ने अडानमा छन् । कठायत परिबाले बाहिर बसे माना चामल बुझाउने तर घरमा लगेर बुहारीको रूपमा राख्न नसक्ने अडान लिएको छ । प्रमुख जिल्ला अधिकारी अनिता निरौला भने अनसन तोडाउने पक्षमा छन् । प्रमुख जिल्ला अधिकारीले जनप्रतिनिधि राजनीतिक दलसहित अनसन तोडाउन खोजे पनि यादव भने आफू मर्न समेत तयार भएको भन्दै अनसन नतोड्ने भन्दै खुल्ला आकाशमा जिल्ला प्रशासन कार्यालयको गेटमा तिन दिन देखी पानी समेत नखाई आमरण अनशनमा बसेकी छिन् ।