रामेछाप जिल्लाको मन्थली नगरपालिका–१३ चौहानटारका कृषकले बाख्रा पालन ब्यवसायबाट राम्रो आम्दानी गर्दै आएका छन् । परम्परागत खेती छाडेर बाख्रा पालन ब्यवसायमा लागेका कृषक खिमबहादुर अधिकारीले वार्षिक लाखौंको आम्दानी गर्दै आएका छन् । परम्परागत कृषि पेशा छोडेर ब्यवसायिक पाख्रा पालन तथा तरकारी खेतीमा लागेका भएका कृषक अधिकारीले ब्यवसायबाट राम्रो आम्दानी गर्न सफल ुभएको हो ।
परम्परागत खेती गर्दा वार्षिक ५० हजार रुपैयाँ आम्दानी हुने जग्गामा व्यवसायिक पाख्रा पालन र तरकारी खेती लगाएपछि वार्षिक रुपमा ६ लाख भन्दा बढी आम्दानी गर्दै आएको अधिकारीले बताए । कृषक अधिकारीको बाख्रा फर्ममा जनमुनापारी क्रस जातका २० वटा माउ, १९ वटा खसी बोका र पाठापाठी सहित ४३ वटा बाख्रा रहेका छन् । बाख्रा पालन ब्यवसायसँगै अधिकारीले तरकारी खेती पनि गरेका छन् । बाख्राको मल र मुत्र संकलन गरेर तरकारी खेतीमा प्रयोग गर्दा तरकारी खेती पनि सप्रिएको उनले बताए । अधिकारीले २०७२ सालदेखि व्यवसायिक बाख्रा पालन तथा तरकारी खेती गर्दै आएका छन् । नगरापालिकाले कृषी क्षेत्रमा सहयोग गर्ने घोषणा गरे पनि ब्यवहारमा भने कृषकलाई सहयोग नगरेको कृषक अधिकारीको गुनासो छ ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...