काठमाण्डौं । मलेसियाको क्वालालम्पुरमा रहेको होटेल ग्राण्डमा नेपाल आदिवासी जनजाति पत्रकार महासंघ (फोनिज) मलेसियाको दोस्रो अधिवेशन बिहीबार सम्पन्न भएको छ । दोस्रो अधिवेशनबाट अध्यक्षमा अर्पण मगर “बुद्ध” सर्वसम्मत चयन भएका छन् ।
अधिवेशन बाट उपाध्यक्ष घनश्याम चौधरी (आरएन थारु), सचिव ईश्वर राई, सह–सचिव श्रष्टि सुनुवार , कोषाध्यक्ष मिलन दोङ् तामाङ, सदस्यहरूमा क्रमशः सविन लोप्चन तामाङ, जुद्दा चौधरी, सुर्या घर्ती मगर, सन्तोष थामी, यज्ञ कुमार राई, बिन्दु दर्लामी मगर, शाही कुमार तामाङ, सन्तोष राई निर्वाचित भएका हुन् । यस्तै संरक्षक बिपिन राई, सल्लाहकार सुन्दर आले, दिल कुमार केरुङ र जीवन देवन रहेका छन् ।
फोनिज मलेसियाका कार्यवाहक अध्यक्ष घनश्याम चौधरी (आरएन) को सभापतित्वमा सम्पन्न भएको अधिवेशनको उद्घाटन नेपाल आदिवासी जनजाति पत्रकार महासंघ (फोनिज) का सङ्घीय अध्यक्ष गजुरधन राईले गर्दै आफ्नो संस्कार संस्कृति भुल्न नहुने भन्दै समितिको सफल कार्यकालको शुभकामना व्यक्त गरे । नेपाल आदिवासी जनजाति महासंघ मलेसियाको अध्यक्ष बिपिन राई लगायत मलेसियामा स्थापित नेपाली व्यवसायी, रेमिटेन्स कम्पनीका पदाधिकारी र विभिन्न राजनीतिक, सामाजिक संघ संस्थाका अध्यक्ष, पदाधिकारीहरूको आतिथ्यमा कार्यक्रम सम्पन्न भएको हो ।
