प्रधानमन्त्री वली बिरुद्ध ५ दलको संयुक्त विज्ञप्ती

Written by meropradesh creator

१६ जेष्ठ २०७८, आईतवार

रामेछाप । प्रधानमन्त्री केपी शर्मा वली बिरुद्ध रामेछापमा ५ राजनीतीक दलले सयुक्त बिज्ञप्ति निकालेको छ । नेपाली जनताको लामो कठोर आन्दोलन,संघर्ष, त्याग र बलिदानबाट प्राप्त नेपालको संविधान(२०७२ माथि प्रधानमन्त्री केपी शर्मा ओलीले प्रतिनिधि सभाको विघटन गरी आघात पुयाएको भन्दै बिरोध गरेको छ । नेपालको संविधानको धारा ७६ को उपधारा ३ बमोजिम प्रधानमन्त्रीमा नियुक्त केपी शर्मा ओलीद्वारा सोही धाराको उपधारा ४ बमोजिम विश्वासको मत लिनुपर्ने बाध्यकारी प्रावधानको उल्लघंन गर्दै धारा ५ बमोजिम नियुक्त हुनुपर्ने सिफारिस राष्ट्रपतिलाई गरेको आरोप लगाएका छन् । संविधानको संरक्षणको दायित्व रहेको राष्ट्रपतिबाट समेत प्रधानमन्त्रीको उक्त सिफारिस अनुसार नै एक दिनको मात्र समय दिएर नयाँ प्रधानमन्त्री नियुक्तिको लागि आह्वान गरिएको पनी आरोप लगाएको छ । नेपालको संविधान, प्रतिनिधि सभा र लोकतन्त्रको रक्षाको लागि नेपाली काँग्रेसका सभापति तथा प्रतिनिधि सभाका माननीय सदस्य शेरबहादुर देउवालाई प्रधानमन्त्री पदमा नियुक्तिका लागि प्रतिनिधि सभाका १४९ माननीय सदस्यहरुको हस्ताक्षर सहित राष्ट्रपति समक्ष दावि प्रस्तुत गरिएको थियो । नेपालको संविधान(२०७२ को धारा ७६ को उपधारा ५ बमोजिम प्रतिनिधि सभाका बहुमत सदस्यहरुको हस्ताक्षर सहित विधिसम्मत पेश गरेको दाबी माथि संविधानतःनिर्णय गरी प्रधानमन्त्री नियुक्त गर्नुपर्ने संवैधानिक दायित्व राष्ट्रपति विद्या भण्डारीबाट निर्वाह नगरेको बिज्ञप्तिमा भनिएको छ । उल्टै प्रधानमन्त्री केपी शर्मा ओलीसँगको मिलेमतोमा बदनियतपूर्ण किसिमले प्रतिनिधि सभाको बिघटन गरी नेपालको संविधान र लोकतन्त्रमाथि नै निर्मम प्रहार गरिएको छ ।

यस प्रतिगामी कदमबाट मुलुक नयाँ राजनीतिक ध्रुवीकरण र जटिलता तर्फ धकेलिएको छ । निर्वाचन नगराई आफ्नो निरंकुश सत्ता लम्ब्याउने दुराशयबाट घोषित कथित आम निर्वाचनले कोरोना संक्रमणको महामारीको भयावह अवस्थाको सामना गरिरहेका नेपाली जनताहरुको जीवनलाई झन् गम्भिर संकटमा धकेलिदिएको छ । यस्तो महामारीमा राजनीतिक जगत र सिंगो राष्ट्रलाई एकताबद्ध रुपमा अगाडी बढाउनु पर्नेमा जनप्रतिनिधिमुलक संस्थालाई विघटन गरी प्रधानमन्त्रीबाट अत्यन्त गैरजिम्मेवार कार्य भएको छ । यसबाट देश र जनताले झन् बढी दुःख र कष्टको सामना गर्नुपर्ने स्थिति सिर्जना भएको छ बिज्ञप्तिमा भनिएको छ । प्रतिनिधि सभालाई रातारात विघटन गर्ने राष्ट्रपति र प्रधानमन्त्रीको असंबैधानिक, अलोकतान्त्रिक, स्वेच्छाचारी, निंकुश र प्रतिगमनकारी कार्यको हामी घोर निन्दा र भर्त्सना गर्दछौं । राष्ट्रपति र प्रधानमन्त्रीको प्रतिनिधि सभा विघटन गरी मुलुकमा राजनीतिक अनिश्चय, अन्यौल र अराजकता सिर्जना गर्ने असंबैधानिक, अलोकतान्त्रिक र प्रतिगमनकारी कार्यका बिरुद्ध एकताबद्ध भई राजनीतिक र कानुनी रुपमा शक्त किसिमले प्रतिवाद गर्न हामी कटीबद्ध छौँ । राष्ट्रपति र प्रधानमन्त्रीबाट प्रतिनिधि सभाको विघटन गर्ने प्रतिगमनकारी कार्यका विरुद्ध एकजुट भई नेपाली जनताको लामो आन्दोलन, संघर्ष र बलिदानबाट स्थापित नेपालको संविधान(२०७२ मा अन्तर्निहित संघिय लोकतान्त्रिक गणतन्त्र, समावेशी लोकतन्त्र एवं नेपालको सर्वोपरी राष्ट्रिय हितको रक्षाका लागि दृढतापूर्वक अगाडि बढ्न हामी सम्पूर्ण राजनीतिक दल तथा आम जनसमुदायमा हार्दिक आह्वान गर्दछौं । अन्तमा रामेछाप जिल्लामा कोभिड संक्रमितहरुको पहिचान गर्न पिसिआर परीक्षणलाई घर(घर सम्म विस्तार गरी संक्रमितहरुको निःशुल्क उपचारको व्यवस्था मिलाई जनताहरुको जीवन रक्षाको लागि संवेदनशील बन्नु हुन सम्बन्धित निकायमा अनुरोध गर्दै सम्पूर्ण रामेछाप वासीहरुमा सुस्वास्थको कामनाका साथ कोभिडलाई परास्त गर्ने क्षमतामा अभिवृद्धिको होस् भन्ने शुभकामना र शुभेच्क्षा व्यक्त गर्दछौं भनिएको छ ।

Related Articles

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप । नेपाली काँग्रेस रामेछापको महासमिति सदस्यका लागी २१ जनाले उम्मेदवारी दर्ता गराएका छन् । जम्मा ११ महासमिति सदस्य चयन हुन पर्नेमा २१ जनाले उम्मेदवारी दिएको निर्वाचन समितिले जनाएको छ ।  महिला महासमिति सदस्य र दलित महासमिति सदस्यको लागी भने एक एक महाधिवेशन...

कार्की पुनः काँग्रेसमा प्रवेश 

कार्की पुनः काँग्रेसमा प्रवेश 

रामेछाप । नेपाली काँग्रेस मन्थली नगरपालिका वडा नम्बर १० का युवा नेता ईश्वरी कुमार कार्की पुनः नेपाली काँग्रेसमा प्रवेश गरेका छन् । कार्कीलाई शनिवार नेपाली काँग्रेसका पूर्व पार्टी सभापति रामचन्द्र पौडेलले खादा लगाएर नेपाली काँग्रेसमा प्रवेश गराएका छन् । कार्कीले...

रामेछाप जेसीज २०२४ को अध्यक्षमा सन्तोष खत्री

रामेछाप जेसीज २०२४ को अध्यक्षमा सन्तोष खत्री

रामेछाप । रामेछाप जेसीज २०२४ को अध्यक्षमा जेसी सन्तोष खत्री निर्विरोध निर्वाचित भएका छन् । शुक्रवार सम्पन्न रामेछाप जेसीज १० औँ शाखाको अधिवेशन बाट खत्री निर्विरोध निर्वाचित भएका हुन् । कार्यकारिणी उपाध्यक्षमा जेसी कुमार श्रेष्ठ , र जेसी संगीता श्रेष्ठ कानुनी...

एसिसी महिला एसिया कप क्रिकेट ः भारतविरुद्ध भिड्दै नेपाल

एसिसी महिला एसिया कप क्रिकेट ः भारतविरुद्ध भिड्दै नेपाल

काठमाडौं । एसिसी महिला एसिया कप क्रिकेट प्रतियोगितामा आज भारत संग नेपाल भिड्दै छ । प्रतियोगितामा समूह चरण अन्तर्गत आफ्नो अन्तिम खेलमा नेपालले आज भारतसँग खेल्दैछ । श्रीलंकाको रंगिरी डम्बुला अन्तर्राष्ट्रिय क्रिकेट मैदानमा हुने खेल नेपाली समयअनुसार बेलुका सवा ७ बजेबाट...

क्षतिपूर्तिको माग गर्दै प्राधिकरणलाई गाउँपालिका अध्यक्ष खड्काले बुझायो ध्यानाकर्षण पत्र

क्षतिपूर्तिको माग गर्दै प्राधिकरणलाई गाउँपालिका अध्यक्ष खड्काले बुझायो ध्यानाकर्षण पत्र

रामेछाप । गोकुलगंगा गाउँपालिका अध्यक्ष काजीबहादुर खड्का ( दिनेश)ले गर्जाङ– खिम्ती प्रसारण लाइनमा परेको जग्गाका जग्गाधनी क्षतिपूर्ति हाल सम्म नपाएको भन्दै क्षतिपूर्तिको माग गर्दै नेपाल विद्युत् प्राधिकरणलाई ध्यानाकर्षण पत्र बुझाएका छन् । नेपाल विद्युत् प्राधिकरणले १३२...

रामेछापलाई आलु,किवी र जुनारको जिल्लाको पहिचान दिलाउन ब्रान्डी र ले बलिङ गर्न पर्छ – परियोजना प्रमुख गैरे 

रामेछापलाई आलु,किवी र जुनारको जिल्लाको पहिचान दिलाउन ब्रान्डी र ले बलिङ गर्न पर्छ – परियोजना प्रमुख गैरे 

रामेछाप । रामेछाप जिल्लालाई आलु,किवी र जुनारको जिल्लाको पहिचान दिलाउन ब्रान्डी र ले बलिङ गर्न पर्ने प्रधानमन्त्री कृषि आधुनिकीकरण परियोजना रामेछापका प्रमुख थिर लाल गैरेले बताएका छन् । परियोजना प्रमुख गैरेले भने “रामेछापमा उत्पादित आलु, किवी र जुनार देश भर बिक्री वितरण...