दिर्घरोगी, सुत्केरी र गर्भवती महिलाले स्वास्थ्य सेवा पाएनन्

Written by meropradesh creator

१३ जेष्ठ २०७८, बिहीबार

रामेछाप । जिल्लामा कोरोना महामारी बढेसँगै यतिबेला अधिकासं सरकारी तथा निजि अस्पतालहरुमा कोरोना संक्रमितका बिरामीहरुले बेड भरिभराउँ भएपछि दिर्घरोगी, गर्भवती महिला र सुत्केरी महिलाहरुले सहज रुपले स्वास्थ्य सेवा पाउन सकेका छैनन् ।
विश्वभर महामारीको रुपमा फैलिएको कोरोना संक्रमणका कारण जिल्लाका गाउँगाउँबाट कोरोना संक्रमित बिरामीहरु उपचारको लागि सरकारी र निजी अस्पतालमा आउन थालेपछि अस्पतालहरुमा कोरोना संक्रमितको संख्या बढेको हो । कोरोना संक्रमित बढी मात्रामा अस्पतालमा उपचार लिन आउने भएपछि अन्य बिरामीहरु अस्पतालमा उपचार लिन आउनेको संख्यामा कमी भएको छ ।
कोरोना संक्रमितको संख्यामा बृद्धि भएसँगै अस्पतालमा उपचार लिन आउने अधिकासं बिरामीहरु कोभिडको मात्रै भएको तामाकोशी अस्पतालका अध्यक्ष गोबिन्दप्रसाद घिमिरेले जानकारी दिए । उनले भने– अस्पतालमा पहिला अधिकासं बिरामीहरु दिर्घरोगी, गर्भवती र सुत्केरी महिलाहरु र अन्य विभिन्न रोगले बिरामी भएर अस्पतालमा उपचार लिन आउँथे । तर अहिले कोरोनाका बिरामी बढी आउन थालेपछि अन्य बिरामीहरु उपचार लिन अस्पताल आउँन छाडेको अध्यक्ष घिमिरेले बताए ।
दमको रोगवाट ग्रसित भएर उपचार लिन अस्पताल पुगेका मन्थली नगरपालिका वडा न २ कठजोरका एकवहादुर बस्नेत उपचार बिनै घर फर्किएका छन् । उनले भने– अस्पतालमा जचाउँन गाको थिए, अधिकासं बिरामी कोरोनाका मात्रै भर्ना भएका रहेछन् । कोरोना सर्ला भन्ने डरले उपचार नै नगराई क्लिनिकवाट औषधी किनेर घर फर्किएको बताए ।


दैनिक रुपमा कोरोना संक्रमितको दर बृद्धि भएकाले जिल्ला अस्पताल रामेछापले जिल्लाका अधिकासं स्वास्थ्य संस्थाहरुमा उपचार लिन आउने गर्भवती र सुत्केरी महिलाहरुलाई भरसक अस्पतालमा नआउन आग्रह गरेको छ । सुत्केरी र गर्भवती महिलाहरुको स्वास्थ्यमा जटिल समस्या आएको खण्डमा मात्रै अस्पताल आउन सवै गर्भवती र सुत्केरी महिलाहरुलाई जानकारी गराएको जिल्ला स्वास्थ्य कार्यालय रामेछापका प्रमुख डा.जितेन्द्रकुमार कर्णले जानकारी दिए ।
उनले भने– यसअघि जिल्लाका २ नगरपालिका र ६ वटा गाउँपालिका गरि ८ वटै स्थानिय तहहरुमा रहेका वर्थिङ्ग सेन्टरवाट गर्भवति महिला र सुत्केरी महिलाहरुलाई सेवा प्रदान गर्दै आएकोमा कोरोनाले गर्दा केही उनीहरुलाई उपचार लिन समस्या भएको हुनसक्ने डा.कर्णले बताए ।
अस्पतालहरुमा कोरोना संक्रमितहरु आउने भएपछि गर्भवती र सुत्केरी महिलाहरु उपचारको साटो घरमा बस्न विवश छन् । त्यस्तै दिर्घ रोगीहरुले समेत सहज तरिकाले स्वास्थ्य सेवा पाउन सकेका छैनन् । अस्पतालका चिकित्सकहरु बढी मात्रामा कोरोना संक्रमितहरुको उपचारमा व्यस्त रहेकाले अन्य रोगीहरुको उपचारमा उनीहरुले त्यति ध्यान समेत दिएका छैनन् ।
रामेछापमा जिल्ला अस्पताल, तामाकोशी अस्पताल, रामेछाप सामुदायिक अस्पताल, मन्थली पोलिक्लिनिक गरि चार वटा अस्पतालहरु रहेका छन् । यी सवै अस्पतालहरुमा यतिखेर कोभिडका बिरामीहरुले अस्पतालका वेडहरु खचाखच भरिएका छन् । यसवाहेक गाउँगाउँमा रहेका स्वास्थ्यकेन्द्रहरुमा समेत कोभिडका बिरामीहरु बढी मात्रामा उपचार लिन जाने गरेको जिल्ला स्वास्थ्य कार्यालय रामेछापले जनाएको छ ।

Related Articles

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप । नेपाली काँग्रेस रामेछापको महासमिति सदस्यका लागी २१ जनाले उम्मेदवारी दर्ता गराएका छन् । जम्मा ११ महासमिति सदस्य चयन हुन पर्नेमा २१ जनाले उम्मेदवारी दिएको निर्वाचन समितिले जनाएको छ ।  महिला महासमिति सदस्य र दलित महासमिति सदस्यको लागी भने एक एक महाधिवेशन...

कार्की पुनः काँग्रेसमा प्रवेश 

कार्की पुनः काँग्रेसमा प्रवेश 

रामेछाप । नेपाली काँग्रेस मन्थली नगरपालिका वडा नम्बर १० का युवा नेता ईश्वरी कुमार कार्की पुनः नेपाली काँग्रेसमा प्रवेश गरेका छन् । कार्कीलाई शनिवार नेपाली काँग्रेसका पूर्व पार्टी सभापति रामचन्द्र पौडेलले खादा लगाएर नेपाली काँग्रेसमा प्रवेश गराएका छन् । कार्कीले...

रामेछाप जेसीज २०२४ को अध्यक्षमा सन्तोष खत्री

रामेछाप जेसीज २०२४ को अध्यक्षमा सन्तोष खत्री

रामेछाप । रामेछाप जेसीज २०२४ को अध्यक्षमा जेसी सन्तोष खत्री निर्विरोध निर्वाचित भएका छन् । शुक्रवार सम्पन्न रामेछाप जेसीज १० औँ शाखाको अधिवेशन बाट खत्री निर्विरोध निर्वाचित भएका हुन् । कार्यकारिणी उपाध्यक्षमा जेसी कुमार श्रेष्ठ , र जेसी संगीता श्रेष्ठ कानुनी...

मुग्लिन–नारायणगढ पहिरोमा ६२ यात्रु बेपत्ता ३ हाम फालेर बाच्न सफल -खाजी कार्य जारी

मुग्लिन–नारायणगढ पहिरोमा ६२ यात्रु बेपत्ता ३ हाम फालेर बाच्न सफल -खाजी कार्य जारी

काठमाडौं । मुग्लिन–नारायणगढ सडकको सिमलतालमा आज बिहान ३ः३० बजे गएको पहिरोमा परेका ३ जना बस बाट हामफालेर ज्यान जोगाउन् सफल भएका छन् । अन्य ६२ जना यात्रु भने अझै बेपत्ता अवस्थामा रहेका छन् । मुग्लिन–नारायणगढ सडकको सिमलतालमा दुईवटा बस त्रिशूली नदीमा खसेको थियो । चितवनका...

 खाँडादेवी गाउँपालिका अध्यक्ष श्रेष्ठको अनियमितता – खानामा मात्र हैन ९ लाख ७५ हजारको विल छ पाइप छैन 

 खाँडादेवी गाउँपालिका अध्यक्ष श्रेष्ठको अनियमितता – खानामा मात्र हैन ९ लाख ७५ हजारको विल छ पाइप छैन 

रामेछाप । खाँडादेवी गाउँपालिकामा व्यापक अनियमितता भएको अर्को खुलासा भएको छ । गाउँपालिका अध्यक्ष ज्ञान कुमार श्रेष्ठले खाना र खाजामा मात्र नभई पाइपमा समेट घोटाला गरेको खुलेको छ ।  गाउँपालिका अध्यक्ष श्रेष्ठको तोक आदेशको आधारमा HDPE  पाइप २२ हजार ९७५ मिटर रु ३६ रुपैंया...

नेपालमा बाढी, पहिरोका कारण ८३ जनाको मृत्यु

नेपालमा बाढी, पहिरोका कारण ८३ जनाको मृत्यु

काठमाडौं । नेपालमा एक महिनाको अवधिमा ८३ जनाको बाढी पहिरोमा परी ज्यान गएको छ । अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढी, पहिरो लगायतका विपद्मा परी बुधबार दिउँसोसम्म ८३ जनाको मृत्यु भएको प्रहरीले जनाएको छ । बाढी, पहिरो लगायतका विपद्मा परी...