रामेछाप । जिल्ला समन्वय समिती रामेछापले नेपाल पत्रकार महासंघ रामेछापका नवनिर्वाचित पदाधिकारीहरूलाई सम्मान गरेको छ । नवनिर्वाचित पत्रकारहरुलाई जिल्ला समन्वय समिती रामेछापले शुभकामना तथा सम्मान व्यक्त गरेको हो । समन्वय समितीको कार्यालय मन्थलीमा आयोजित कार्यक्रममा जिसस प्रमुख प्रेम बं खड्काले नवनिर्वाचित पदाधिकारीहरूलाई सम्मान गर्दै राम्रा कामहरुलाई प्रचार प्रसार र नराम्रा कामहरुलाई खबरदारी गर्न पत्रकारहरुलाई आग्रह गरेका छन ।
जिसस रामेछापले जिल्ला कार्य समिती रामेछापका नवनिर्वाचित जिल्ला कार्यसमीती, राष्ट्रिय सभा सदस्य प्रदेश सभा सदस्य र बागमती प्रदेशका कोषाध्यक्ष सहित सदस्यहरुलाई बधाई तथा शुभकामना व्यक्त गरेको हो । सोही कार्यक्रममा जिल्ला समन्वय समित रामेछापले चैत्र २७ गते सम्पन्न गरेको पाँचौ जिल्ला सभाका निर्णयहरु सार्वजनिक गरेको छ ।
जिल्ला समन्वय समितिका प्रमुख खड्काले निर्णय सार्वजनिकगर्दै जिल्लाभित्रका रणनितिक रुपले महत्वपूर्ण सडक एबं पुलहरुको निर्माणका लागि आबश्यक बजेट,विनियोजनकालागि तिनै तहका सरकार बिच समन्वय गर्ने, कोरोना महामारी रोकथाम,नियन्त्रण र ब्यवस्थापनमा आबश्यक समन्वय र सहकार्यलाई निरन्तरता दिदै समन्वयात्मक कार्यहरु गर्ने निर्णय भएको जानकारी दिए ।