ब्रह्माकुमारी राजयोग सेवा केन्द्र, द्वारा नवनिर्वाचित पत्रकारहरुलाई सम्मान

शिक्षा समाज
  • 103
    Shares

रामेछाप । ब्रह्माकुमारी राजयोग सेवा केन्द्र, मन्थलीले नेपाल पत्रकार महासंघका नवनिर्वाचित पदाधिकारीहरूलाई शुभकामना तथा सम्मान गरेको छ । ब्रह्माकुमारी बिष्णु दिदीको अध्यक्षतामा सम्पन्न कार्यक्रममा नेपाल पत्रकार महासंघ, जिल्ला कार्य समिती रामेछापका नवनिर्वाचित जिल्ला कार्यसमीती, राष्ट्रिय सभा सदस्य प्रदेश सभासदस्य र बागमती प्रदेशका कोषाध्यक्ष सहित सदस्यहरुलाई सफल कार्यकालको शुभकामना दिदै बधाई समेत ब्यक्त गरेका छन ।
सशस्त्र पहरी नायव उपरिक्षक. केशवराज प्याकुरेलको प्रमुख आतिथ्यतामा सम्पन्न कार्यक्रममा २६ औ अधिबेसन बाट बिभिन्न पदमा निर्वाचित पत्रकारहरुको सहभागीता रहेको थियो । कार्यक्रममा ब्रह्माकुमारी बिष्णु दिदी, सशस्त्र पहरी नायव उपरिक्षक. केशवराज प्याकुरेल, भरत कुमार श्रेष्ठले पत्रकारहरुलाई देशलाई सहि दिशा दिन कलम चलाउन आग्रह समेत गरेका छन् । पत्रकार देशको चौथो अंगको रुपमा रहेको भन्दै पत्रकारले राष्ट्र र राष्ट्रियतालाई कुन दिशा निर्देश गर्ने भन्ने कुरा पत्रकारको हातमा भएकोले जिम्मेवरी पुर्ण तरिकाले अबका दिनमा अघि बढनु पर्ने समेत बताएका छन् ।
नेपाल पत्रकार माहासंघ बागमती प्रदेशका कोषध्यक्ष रमेश ढुङगेल, नेपाल पत्रकार महासंघ रामेछापका अध्यक्ष बद्रि नयाँघरे राष्ट्रिय सभा सदस्य हिमाल ढुङगेल, प्रदेश सभा सदस्य अप्रिल अधिकारीले ब्रह्माकुमारी राजयोग सेवा केन्द्र धर्म विशेष नभएर शान्ती र शद्भाव दिने विश्व बिद्यालय भएको बताएका छन् । ब्रह्माकुमारी राजयोग सेवा केन्द्रले शान्ती र शद्भाब दिदै योग सिकाउदै आएको छ ।

Facebook Comments Box

  • 103
    Shares
ad