तीनजना युवतीहरुको आक्रमणमा परेका नेपाली चालकलाई ५० हजार डलर सहयोग, भिडियो सहित

विश्व
  • 69
    Shares

काठमाडौँ, नेपाली चालक शुभाकर खड्कामाथि तीनजना युवतीहरुले दुर्व्यवहार गरेको भिडियो विश्वर भाइरल भए संगै खड्कालाई ५० हजार
अमेरिकन डलस सहयोग जुटेको छ । ललितपुर घर भएका चालक खड्का सन् २०१२ मा अमेरिका पुगेका थिए ।
अमेरिकाको सन फ्रान्सिस्कोमा उबर (एक प्रकारको ट्याक्सी जस्तै सवारी साधन) चालक रहेका शुभाकर खड्कामाथि तीनजना युवतीहरुले गत आइतबार दुर्व्यवहार गरेका थिए । नेपाली युवक ३२ वर्षीय खड्का उबर चालक हुन् । उनको सवारीमा तीन जना महिला यात्रु चढेका थिए तर ती महिला यात्रुलाई चालक खड्काले मास्क लगाउन अनुरोध गर्दा उनीमाथि उल्टै आक्रमण भएको हो ।
खड्कामाथि भएको त्यो आक्रमण र दुर्व्यवहारको भिडियो र सो बारेको समाचार अहिले विभिन्न अन्तर्राष्ट्रिय सञ्चार माध्यमहरुमा छाएको छ । चालक शुभाकरले नियमअनुसार मास्क लगाउन अनुरोध गर्दा युवतीहरुले अटेर गरेका थिए । मास्क नलगाएमा आफूले सेवा नदिने बताएपछि ती मध्य एक युवतीले उनीमाथि आक्रमण गरेकी हुन् ।
चालक खड्काले आफूमाथि दुर्व्यवहार भएको भन्दै फ्रान्सिस्को प्रहरीमा छानबिनका लागि उजुरी दिएका थिए । प्रहरीले ती आक्रमणकारी युवतीको पहिचानका लागि छानबिन सुरु गरिसकेको बताइएको छ ।
खड्काले आफूलाई रंगभेदी आशयले आक्रमण गरिएको भन्दै दुर्व्यवहार गर्नेमाथि कारबाहीको माग गरेका छन् । ट्याक्सीका ती यात्रुहरुको पहिचानका लागि प्रहरीले अनुसन्धान र खोज सुरु गरिसकेको सन फ्रान्सिस्को प्रहरीका प्रवक्ताले जनाएको छ ।
आप्रवासी नागरिकले अमेरिकामा रंगभेदी दुर्व्यवहार खेप्नुपरेको भन्दै अहिले खड्काको सहयोगमा रकम संकलन अभियान नै चलाइएको छ । चालक खड्कालाई सहानुभुति दिने र उनका लागि सुरु गरिएको आर्थिक सहयोग संकलन अभियानमा सहयोग रकम दिनेहरु बढिरहेका छन् ।
अमेरिकी भूमिमा दुर्व्यवहारको सिकार भएका नेपाली चालक खड्काको सहयोगार्थ क्राउड फन्डिङमार्फत ५० हजार डलरभन्दा बढी रकम संकलन भइसकेको छ । गोफन्डमी डट ओआरजीमा यो समाचार तयार पार्दासम्म (बिहीबार बिहान) ५० हजार ३५१ डलर सहयोग रकम संकलन भैसकेको छ ।
सियान बनिस्टर नामक एक प्रयोगकर्ताले गो फन्ड मी मा खड्काको तर्फबाट उक्त सहयोग रकम संकलन अभियान चलाएका हुन् । सो अभियानमार्फत २० हजार डलर संकलनको लक्ष्य राखिएकोमा लक्ष्यभन्दा दोब्बर बढी सहयोग संकलन भइसकेको छ ।

Facebook Comments Box

  • 69
    Shares
ad