हेटौंडा । जिल्लाको बकैया गाउँपालिकाको कार्यालयमा नेकपा एमाले र नेकपा माओवादीका कार्यकर्ताहरुले तालाबन्दी गरेका छन् । कर्मचारी सरुवा तथा बढुवाको विषयलाई लिएर शुक्रबार गाउँपालिकाका उपाध्यक्ष भक्तबहादुर खत्रीकै नेतृत्वमा तालाबन्दी गरेको हो ।
गाउँपालिका अध्यक्ष धर्मराज लामिछानेले चित्त बुझ्ने गरी काम नगरेकोले ताला लगाइएको उपाध्यक्ष खत्रीले बताएका छन् । उनले अध्यक्ष लामिछानेले विवादास्पद निर्णय गरेको समेत आरोप लगाएको छ ।
यस विषयमा गाउँपालिका अध्यक्ष धर्मराज लामिछानेले भने आफुले सफा भावनाका साथ काम गरिरहेको बताएका छन् । उनले राजनीतिक स्वार्थबाट प्रेरित भई तालाबन्दी गर्ने कार्य भएको बताएका छन् । बकैया गाउँपालिकाको सामाजिक र स्वास्थ्य शाखाको जिम्मेवारी छैठौँ तहका फटिकरमण प्याकुरेलले सम्हाल्दै आएका थिए । तर, प्याकुरेललाई दुई वटा शाखाको जिम्मेवारी रहेको भन्दै गाउँपालिकाले छैठौँ तहकै रमेश फुयाँललाई स्वास्थ्य शाखाको जिम्मेवारी प्रदान गर्ने तयारी गरेको थियो । उपाध्यक्ष खत्रीले भने फुयाँललाई स्वास्थ्य शाखाको जिम्मेवारी दिन नहुने मत राख्दै आएका थिए । अध्यक्ष लामिछाने नेपाली कांग्रेसबाट निर्वाचित भएका हुन् भने उपाध्यक्ष खत्री नेकपा माओवादीको तर्फबाट निर्वाचित भएका हुन् ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
