रामेछापमा १४ वटा खानेपानी योजना निमार्ण हुँदै

अर्थ समाज
  •  
  •  
  •  
  •  
  •  
  •  
  •  

रामेछाप । खानेपानी तथा सरसफाई डिभिजन कार्यालय डिभिजन नं–४ रामेछाप अन्तर्गत रामेछापका ८ वटै स्थानिय तहहरुमा गरि १४ वटा नयाँ खानेपानीका योजनाहरुको काम अघि वढेको छ ।
वाग्मती प्रदेश खानेपानी कार्यक्रम मार्फत ढिकुरी गडी खानेपानी आयोजना, गागलभदौरे खानेपानी आयोजना, जरङ्गेखोला खानेपानी आयोजना, दिमिखओटा लिफ्ट खानेपानी आयोजना, नवुघाट तल्लो बेतिनी लिफ्ट खानेपानी आयोजनाको काम अघि वढेको छ । त्यसैगरी भालुखोप ड्रिल खानेपानी आयोजना, कुडहर खानेपानी आयोजना, सालिमेखोला खानेपानी आयोजना, फुलासी तामाकोशी खानेपानी आयोजना र कात्तिके लिफ्ट भंगेरी खानेपानी आयोजनाको काम समेत एकै साथ अघि वढाएको हो ।
यसैगरी प्रदेश खानेपानी कार्यक्रमबाट साल्मेखोला खानेपानी गुणस्तर सुधार आयोजना, खिम्ती बजार खानेपानी गुणस्तर सुधार आयोजना र सुनापति बृहत खानेपानी आयोजना गरी रामेछापमा १४ वटा योजनाहरुको काम अघि वढेको खानेपानी तथा सरससफाई डिभिजन कार्यालय रामेछापका प्रमुख सन्तोषकुमार श्रेष्ठले जानकारी दिए ।
उनले भने– संचालन भएको कतिपय योजनाहरु अघिल्लो वर्षदेखी नै काम शुरुवात भइसकेका योजनालाई क्रमागत रुपमा राखिएको छ भने कतिपय योजनाहरु नयाँ रहेका छन् । संचालित योजनाहरु मध्ये केही योजना यसै आर्थिक वर्षमा सकिने गरि काम भइरहेका छन् भने कतिपय योजनाहरुको काम सक्न अझै केही वर्ष लाग्ने पनि प्रमुख श्रेष्ठले वताए ।
जिल्लामा संचालित केही योजनाहरु स्थानिय उपभोक्ता समिति मार्फत संचालित छन् भने केही ठूला आयोजनाहरु टेण्डर प्रक्रियावाट संचालन भइरहेका छन् । सवै योजनाहरुमा प्राविधिकहरुको नियमित निगरानीमा काम भएकाले सवै काम गुणस्तरिय रहेको खानेपानी तथा सरसफाई डिभिजन कार्यालय रामेछापका इन्जििनियर नवराज सत्यालले जानकारी दिए ।

Facebook Comments Box

  •  
  •  
  •  
  •  
  •  
  •  
  •  
ad ad