संसद् विघटनको बिरोधमा काँग्रेस रामेछापले निकाल्यो अर्धनग्न जुलुस

राजनीति

रामेछाप । नेपाली काँगे्रस जिल्ला कार्य समिति रामेछापले प्रधानमन्त्रीको सिफारिसमा राष्ट्रपति विद्यादेवी भण्डारीले गरेको प्रतिनिधिसभा विघटन असंवैधानिक भएको भन्दै त्यसको विरोधमा सोमवार अर्धनग्न जुलुस निकालेको छ ।
मन्थलीको बिपी चोकबाट व्यानर सहित निस्किएको जुलुसमा सहभागी कार्यकर्ताहरुको टाउँकोमा कालो रुमाल बाधेका थिए भने छात्तीमा नेपाली काँग्रेस जिन्दावाद, केपीवली मुर्दावाद, संसद विघटन खारेज गर लगाएतका विभिन्न नारा सहित मन्थली वजार परिक्रममा गरि स्थानिय देवकोटा चोकमा आएर कोणसभामा परिणत भएको थियो ।
कोणसभामा बोल्दै नेपाली काँग्रेसका पूर्वसभापति रामचन्द्र खड्काले २००७ सालवाट पुस १ गतेलाई कालोदिवसको रुपमा मनाउँदै आएको काँग्रेसले २०७७ सालवाट पुस ५ गतेलाई कालो दिवसको रुपमा मनाउन लागेको जानकारी दिए । उनले भने– अहिलेको नेकपाका प्रधानमन्त्री केपी वलीलाई संविधान विघटन गर्ने अधिकार संविधानले दिएको छैन् । संविधानमै नभएको बिषय उठाएर संविधान विघठन गर्नु गैर जिम्वेवार काम भएको नेता खड्काले बताए ।
त्यसैगरी सोही विरोध कार्यक्रममा बोल्दै नेपाली काँग्रेस रामेछापका जिल्ला सभापति लवश्री न्यौपानले जबजब देशमा संकट आउँछ त्यो समयमा काँग्रेस जुरुक्कै उठेर नेपाली जनता, नेपालको संविधान र सिङ्गो संविधानको संरक्षण गर्ने गरेको जानकारी दिए । उनले भने– नेपालको इतिहास हेर्नुस ७ साल, ३६ साल, ४६ र ४७ साल र ६२ र ६३ सालको जनआन्दोलन र संविधान निमार्ण गर्ने काम काँग्रेसले गरेकाले संविधानको संरक्षण पनि काँग्रेसले मात्रै गर्न सक्ने सभापति न्यौपानले बताए ।
संसद विघटनको विरोध कार्यक्रममा नेपाली काँग्रेस जिल्ला कार्यसमिति रामेछापका पदाधिकारी, महासमितिका सदस्यहरु, महाधिवेशनका प्रतिनिधिहरु, विभिन्न भातृ संघसंगठनका नेता तथा कार्यकर्ताहरु लगाएत ठूलो संख्यामा उपस्थिती रहेको थियो ।

Facebook Comments Box

ad ad