खाँडादेवीमा बन्ने भयो भ्यू–टावर

अर्थ कृषि प्रदेश ३

रामेछाप । खाँडादेवी गाउँपालिकाले आन्तरिक तथा बाह्य पर्यटकहरुलाई पालिका भित्राउने उद्धेश्यले वडा नं–५ पकरबासको सुलीथुम्कामा भ्यु–टावर निमार्णको काम अघि वढाएको छ । निमार्णधिन भ्यू–टावरको शुक्रवार जिल्ला समन्वय समिति रामेछापका प्रमुख प्रेमवहादुर खड्का र खाँडादेवी गाउँपालिकाका प्रमुख प्रेमवहादुर तामाङ्गले एकै साथ शिलान्यास गरेका छन् । शिलान्यास कार्यक्रममा वोल्दै प्रमुख अतिथि समेत रहेका जिल्ला समन्वय प्रमुख प्रेमबहादुर खड्काले भ्यु–टावर निमार्णपछि आन्तरिक र वाह्य पर्यटकहरु भित्रयाउन सके खाँडादेवी गाउँपालिकाको आन्तरिक पर्यटन प्रबद्र्धनमा टेवा पुग्ने विश्वास व्यक्त गरे ।
त्यसैगरी भ्यु–टावर निमार्णपछि सोलीथुम्काको टुप्पोवाट दृश्यावलोकन गर्न धेरै आन्तरिक र वाह्य पर्यटकहरु भित्रन सक्ने अपेक्षा खाँडादेवी गाउँपालिकाले लिएको खाँडादेवी गाउँपालिकाका प्रमुख प्रेमवहादुर तामाङ्गले जानकारी दिए । उनले भने– भ्यु–टावरवाट सहजै रुपमा रामेछापका धेरै भुभाग र छिमेकी जिल्लाहरु सिन्धुली र काभ्रेका समेत धेरै भुभागहरु प्रत्यक्ष रुपमा हेर्न र दृश्यावलोकन गर्न सकिने भएकाले पनि पर्यटकहरुको घुइचो लाग्ने अपेक्षा पालिकाले लिएको अध्यक्ष तामाङ्ग बताउँछन् ।


उक्त भ्यु–टावर निमार्णको लागि बागमती प्रदेश उद्योग पर्यटन वन तथा वातावरण मन्त्रालय पर्यटन विकास आयोजनाको २ करोड ८९ लाख ६३ हजार ९ सय ७२ रुपैयाँ ६३ पैसाको लगानीमा ५ तले भवन निमार्ण हुन लागेको हो । भ्यु टावरसँगै भ्यु टावरमा प
ुग्न ९ सय ५० मिटर लामो खुडकिला र रेलिङ्ग, शौचालय, पालेघर,पार्क, किचन र बगैचाँ लगाएतका संरचनाको समेत निमार्ण हुने छ ।
आगामी २०७८ साल जेठ मसान्त भित्र निमार्णकार्य सम्पन्न गर्ने गरि उक्त भ्यु टावरको निमार्णको जिम्वेवारी सुनकोशी कन्ट्रक्सनले पाएको छ । निमार्णकार्यको जिम्मेवारी पाएको उक्त कम्पनीले तोकिएकै समयभित्र सवै काम सकेर सम्वन्धित पालिकालाई हस्तान्तरण गर्ने गरि काम अघि वढाएको कम्पनिका प्रतिनिधि केशव महतले जानकारी दिए ।
हाल निमार्णाधिन भ्यु टावरमा विद्युत र खानेपानीको समस्या रहेको छ । पालिकाले चाँडै नै त्यस क्षेत्रमा विद्युत लाइन विस्तारको लागि आवश्यक व्यवस्थापनको लागि नेपाल विद्युत प्राधिकरणसँग समन्वय गरि विद्युत लाइन पुर्याउने र खानेपानी पनि चाँडैनै पुर्याउने गरि काम अघि वढाउने खाँडादेवी गाउँपालिकाले जनाएको छ ।

Facebook Comments Box
ad