भोली उम्मेरदवारी दर्ता कुन समय कुन दललाई

प्रदेश ३ बिशेष राजनीति शिक्षा समाज

रामेछाप । मुख्य निर्वाचन कार्यालय रामेछापले प्रतिनिधि सभा र प्रदेश सभाको निर्वाचनको लागी आइतबार हुन लागेको उम्मेदवारी दर्ताको लागी समय उपलब्ध गराएको छ । मुख्य निर्वाचनको कार्यालयमा शनिबार भएको सर्वदलिय बैठकमा स्वतन्त्र उम्मेवारका लागि समय तोकिएको छैन् उनिहरुले बिहान दश बजे देखी बेलुकी ५ बजे सम्म उम्मेरदवारी दर्ता गर्न सक्ने छन् भने राजनितिक दलहरुलाई भने समय तोकिएको मुख्य निर्वाचन अधिकृत इन्दिरा शर्मामा जानकारी दिइन् ।

आगामी मंसिर ४ गते हुने प्रतिनिधि सभा तथा प्रदेश सभा सदस्यको निर्वाचनका लागि भोली असोज २३ गते आइतबार बिहान १०:०० बजेदेखि ५:०० बजे सम्म मनोनयन दर्ता गर्न सकिने निर्वाचन आयोगले जानकारी दिएको छ । त्यसैगरि भोली साझ ५:०० बजे देखि ७:०० बजे सम्ममा उम्मेदवारहरुको सुचि प्रकाशन गरिने छ ।
असोज २४ गते विहान १०:०० बजेदेखि ३:०० बजे सम्म उम्मेदवारको विरोधमा उजुरी दिने सकिने व्यवस्था गरिएको छ । उम्मेदवार विरुद्ध परेको उजुरी उपर सोहि दिन ३:०० बजे देखि २५ गते ५:०० बजे सम्म जाँचबुझ गरि निर्णय गर्ने आयोगले जनाएको छ । भने सोहि दिन साँझ ७:०० बजे सम्ममा नामावली प्रकाशन गर्नेछ ।

उम्मेदारी फिर्ता लिन चाहनेका लागि आयोगले असोज २६ गते १:०० बजे भित्र फिर्ता लिन सकिने व्यवस्था गरेको छ । भने आयोगले सोहिदिन ३:०० बजेसम्ममा अन्तिम नामावली प्रकाशन गर्ने कार्यसुसचि रहेको छ । सोहिदिन ७:०० बजेसम्ममा उम्मेवारलाइ चुनाव चिन्न प्रदान गरिने आयोगले जनाएको छ । मंसिर ४ गते सबै मतदान स्थलहरुमा विहान ७:०० बजे देखि ५:०० बजे सम्म मतदान गर्न सकिने आयोगले जनाएको छ ।
भोलि हुने मनोनयन दर्ता मुख्य ठुला राजनितिक दहहरु नेकपा एमालको नेतृत्वमा बनेको गठबन्धनले १२ बजे देखी १ बजे सम्म र नेपाली कांग्रेसको नेतृत्वमा बनेको गठबन्धनले १ बजे देखी २ बजे सम्म गर्ने छ ।
राजनितिक दल सहितको बैठकमा निर्वाचनमा सहभागि हुने सम्पुर्ण राजनितिक दललाइ निर्वाचन आचारसंहिताको पूर्णरुपले पालना गर्न रामेछापका मुख्य निर्वाचन अधिकृत इन्दिरा शर्माले आग्रह गरेकी छन् ।

शनिबार मुख्य निर्वाचन अधिकृतको कार्यालय मन्थिलीमा भएको सर्वदलिय बैठकमा मुख्य निर्वाचन अधिकृत शर्माले निर्वाचन भए रहित ,शान्तिपूर्ण रुपमा सम्पन्न गराउन राजनितिक दलको महत्वपूर्ण भूमिका हुने भन्दै सबै राजनितिक दललाई आचार संहिता कडाइका साथ पालना गर्न आग्रह गरेकी छिन् ।

त्यसैगरि बैठकमा सहभागि राजनितिक दलका प्रतिनिधिहरुले पनि आचारसंहिताको पूर्णरुपमा पालना गर्ने प्रतिवद्धता व्यक्त गरेका छन् । भोली हुने मनोनयन दर्ताका लागि भने राजनितिक दलहरुलाइ समय तोकिएको छ सोहि समयतालिका बमोजिम प्रतिनिधिहरु आ आफ्नो पालोमा मनोनयन दर्ता गर्न आउनु पर्नेछ भने स्वतन्त्र उम्मेवारका लागि कुनैपनि समय नतोकिएको मुख्य निर्वाचन अधिकृत इन्दिरा शर्मामा जानकारी दिइन् ।

Facebook Comments Box