गेलुका बाढि पहिरो पिडितलाई रामेछाप–काठमान्डौं सृजनशिल समाजद्धारा सहयोग

प्रदेश ३ समाज

रामेछाप । मन्थली नगरपालिका–१२ गेलुका बाढिपिडितलाई रामेछाप–काठमान्डौं सृजनशिल समाजले सहयोग गरेको छ । केहिदिन अगी परेको अबिरल वर्षाले घर बिहिन बनेका १८ घर परिवारलाई एक एक थान त्रिर्पाल सहयोग गरेको छ । सृजनशिल समाजले बिभिन्न ब्यक्ति र संस्था संग सहयोग रकम ५५ हजार ६ सय संकलन गरेको थियो ।

सोहि संकलन गरेको रकम बाट १८ वटा त्रिपाल खरिद गरी पिडित परिवारलाई सहयोग गरेको पुरुषोतम बुढाथोकीले जानकारी दिए । पिडित परिवारलाई त्रिपाल हस्तान्तरण गर्दै समाजका सल्लाकार एवं कार्यक्रमका प्रमुख अतिथि तथा नेकपा एमाले निकट वैदेशिक रोजगार महासंघका सचिब सुसिल केसिले आपत विपतमा रहेका परिवारलाई समाजिक संस्थाहरु सबैले हातेमाले गर्नु पर्ने बताए । तत्कालको लागी ठुलो सहयोग गर्न नसकेपनी पिडित परिवार संग दुख संगै बसेर वाड्न पाएको भन्दै खुसी ब्यक्त गरे ।

सामाजिक सद्भाव र सहयोगको भावनालाई निरन्तरता दिदै आफ्नो गाउँ ठाउँको संरक्षण र विकास हामी आफै मिलेर गर्नुपर्छ भन्ने उदेश्यले समस्यामा रहेकाहरुलाई सहयोग गरेको संयोजक कृष्णहरी बुढाथोकीको भनाई रहेको छ ।

Facebook Comments Box