जिल्ला बन कार्यालयको मिलेमतोमा लैजादै गरेको खयरको काठ प्रशासन द्वारा नियन्त्रण

अर्थ कृषि प्रदेश ३ समाज

रामेछाप । जिल्ला प्रसाशन कार्यलय रामेछापले २ हजार ५ सय क्यूफिट खयरको काठ नियन्त्रणमा लिएको छ । जिल्ला बन कार्यालयको मिलेमतोमा जंगलको खयरको काठ अबैध रुपमा काटी लैजान लागेको बेला जिल्ला प्रसाशन कार्यलय रामेछापले नियन्त्रणमा लिएको छ । मन्थली नगरपालिका वडा नं. २ बाट बाहिर पठाउन लागिएको खयरको काठ अवैध भएको आशंकमा जिल्ला प्रशासन कार्यालय रामेछापले नियन्त्रणमा लिएको हो । प्रशासनले २ हजार ५ सय क्यूफिट खयरको काठ नियन्त्रणमा लिएको छ ।

मन्थली नगरपालिका वडा नं. २ बाट खयरको काठ अवैध रुपमा निकासी हुन लागेको उजुरी परेपछि जिल्ला प्रशासन कार्यालय रामेछापले काठ लोड गरिएको ५ वटा ट्रक नियन्त्रणमा लिएको छ । मन्थली नगरपालिका वडा नंं २ बाट ५ वटा ट्रकमा विरगञ्ज लैजान लागिएको २ हजार ५ सय क्यूफिट काठ नियन्त्रण लिएको हो । जिल्ला प्रशासन कार्यलय मार्फत काठ नियन्त्रणमा लिइएको र काठ लैजानको लागि पूरा गर्नुपर्ने प्रक्रिया पूरा नभएसम्म नछोड्ने जिल्ला प्रहरी कार्यालय रामेछापले जनाएको छ ।

मन्थली नगरपालिका वडा नं. २ का स्थानीयको निजी जमिनमा लगाएको खयरको काठ जिल्ला बन कार्यालय मार्फत आवश्यक प्रक्रिया पुरा गरेर बेच्च अनुमति दिए पनि सार्वजनिक जग्गामा रहेको काठ समेत काटेको भनि जिल्ला प्रशासन कार्यालयमा उजुरी परेको थियो । काठ ब्यक्तिको निजी जमिनमा मात्र काटिएको हो वा सार्वजनिक जग्गाको पनि काठ काटिएको छ भनि एकिन गरेर मात्रै नियन्त्रणमा लिइएको काठमा छोडिदिने वडा अध्यक्ष सुरेन्द्र कार्कीले बताए ।

डिभीजन बन कार्यालय रामेछापले भने दुःख दिने नियतले जिल्ला प्रशासन कार्यालयमा उजुरी दिएको बताएको छ । काठ कटान गर्नु पहिले नै आवश्यक प्रक्रिया पुरा गरेर कटान गरिएको र काठ लैजाने बेलामा दुःख दिने नियतले अमुक ब्यक्तिले उजुरी दिएको डिभीजन बन कार्यालयको भनाई छ ।

निजी जमिनको रुख काट्ने नाउमा सार्वजनिक जग्गाको रुख कटान गरिएको भनि उजुरी परेपछि कटान गरिएको काठ सार्वजनिक जग्गाको भएको नभएको एकीन गर्न डिभीजन बन कार्यालय र नापी कार्यालयले कटान क्षेत्रमा कर्मचारी परिचालन गरेको छ ।

Facebook Comments Box