रामेछाप जिल्ला समन्वय प्रमुखमा प्यानल सहित कार्की निर्वाचित

प्रदेश ३ राजनीति समाज संसद

रामेछाप । जिल्ला समन्वय समिती रामेछापको सभापतीमा कांग्रेस नेत्री चिना खड्का (कार्की) प्यानल सहित निर्वाचित भएकी छिन् । कांग्रेस नेत्री कार्की र नेकपा एमालेका उम्मेदवार तुलाप्रसाद कंडेल बिच चुनावी प्रतिस्पर्धा भएको थियो । चुनावी प्रतिस्पर्धा बाट कांग्रेस र माओवादी केन्द्रको गठबन्धन बाट उम्मेद्वारी दिएकी कांग्रेस नेत्री कार्की बिजय भएकी हुन ।

कार्कीले ९ मत ल्याएर बिजय भइन भने कडेलले ६ मत मात्र पाए । त्यसैगरी उपप्रमुखमा गठबन्धनका उम्मेद्वार माओवादी केन्द्रका नेता प्रेम बहादुर थापा १०, सदस्यहरुमा नेपाली कांग्रेसबाट उम्मेदवारी दिएका बाबुलाल योन्जन, अनिता माझी , बिरबहादुर कार्की, र माओवादी केन्द्र बाट उम्मेद्वारी दिएका हिराकुमारी गिरी,डम्बर कुमारी रसाईली, बिन्दा सार्की, बिक्रम थापामगर बिजय भएका छन् । समन्वय प्रमुख भन्दा अन्य पदमा सबै उम्मेदवार हरुको १०÷१० मत रहेको छ । समन्वय प्रमुखम कार्कीलाई भने ९ मत मात्र परेको छ । नेकपा एमालेका उम्मेद्वारहरुको भने ६ ÷६ मत मात्र रेको छ ।

स्थानिय तहको निर्वाचनमा नेपाली कांग्रेसले ३ प्रमुख सहित ४ उपप्रमुख गरी ७ सिटमा जित हात पारेको थियो । नेकपा एमालेले पनी ३ प्रमुख सहित ३ उपप्रमुख गरी ६ सिट जितेको थियो । माओबादी केन्द्रले २ प्रमुख सहित १ उपप्रमुखमा जित हात पारेको थियो ।

Facebook Comments Box