इन्चार्जद्धारा स्वास्थ्यकर्मी माथी निर्घात कुटपिट

अर्थ प्रदेश ३ समाज स्वास्थ्य

रामेछाप । मन्थली नगरपालिका–५ सुनारपानी स्वास्थ्य चौकीका ईन्चार्ज चिनीमाया बलले शुक्रवार आफनै कर्मचारीलाई कार्यकक्षमा नै निर्घात कुटपीट गरेकी छिन् ।

खोप समिक्षा र आगामी कार्यक्रम कसरी संचालन गर्ने भन्ने विषयमा छलफल शुरु भएपछि ईन्चार्ज बलले बैठकमा अनुपस्थित रहेका अनावश्यक मानिसको नाम पनि माईन्युटमा समावेस गराएकी थिईन् । सो विषयमा सोही चौकीमा कार्यरत अहेब गंगा थापाले अनुपस्थित नभएको मान्छेको नाम राख्ने कुरामा असहमति जनाएपछि ईन्चार्ज बलले आफनै स्टोर किपर समेत रहेकी थापालाई बैठक स्थलमानै कुटपिट गरेकी हुन् ।

कुटपीटपछि इन्चार्ज बलले थापालाई कार्यकक्षबाट बाहिर निस्कन नदिई कोठा बन्द गरेर राखेकी थिइन । स्वास्थ्य इन्चार्ज बलको पीटाईबाट देखिने खालको बाहिरी चोट नलागेको भएपनि गंगाले लगाएको गलाको पोते छिनेको छ भने लगाएको चश्मा समेत फुटेको थियो । घटनाको बिषयमा स्वास्थ्य चौकीका अन्य कर्मचारीहरुले मन्थली नगरपालिकामा जानकारी गराएपछि मन्थली नगरपालीकाकी उप–प्रमुख ईश्वरी बस्नेत, वडा अध्यक्ष नबीन कार्की र स्वास्थ्य शाखाका प्रमुख केशब फुँयाल कार्यालयमा पुगेर घटनाको बारेमा जानकारी लिएका थिए । उनीहरुले घटनामा ईन्चार्ज बल सहित अन्य कर्मचारिहरुलाई पनि राखेर छलफल गरेपछि उनीहरु आपसमा मिल्ने सहमतीमा आफुहरु फर्किएको मन्थली नगरपालिकाका स्वास्थ्य शाखा प्रमुख केशव फुयालले जानकारी दिए ।

उक्त घटनापछि स्वास्थ्य चौकी इन्चार्ज बलले आफ्नो गल्ती ढाकछोप गर्न निर्णय पुुस्तिकामा नाम लेखिएका तर वैठकमा नआएका व्यक्तीहरुको घरघरमा निर्णय पुस्तीका पुर्याएर सहि गराएको श्रोतले बतायो । इन्चार्ज बलले यसअघिका बैठकमा पनि नआएका व्यक्तिहरुको नाम निर्णय पुस्तिका उतार गरी बैठक भक्ता आफै बुझ्ने गरेकाले यसपटक उक्त कार्य रोक्न खोज्दा कर्मचारी माथी सांघातिक रुपमा आक्रमण भएको श्रोतले जानकारी दियो ।

उक्त घटनालाई लिएर सोमबार मन्थली नगरपालिकामा गंगा थापाले आफु माथि स्वास्थ्य चौकी इन्चार्ज बलले अक्षम्य अपराध गरेकोले दोषीलाई कार्वाही गरी पाउँ भन्दै नगरपालीकामा उजुरी दिएको नगर स्वास्थ्य शाखा प्रमुख केशब फुयाँलले जानकारी दिए । उनले भने इन्चार्ज बल माथी उजुरी परेकोले मंगलबार दुवै पक्षलाई आबश्यक छलफलको लागि नगरपालिकामा बोलाइएको छ । यदी इन्चार्ज बल दोषी देखिए आवश्यक कार्बाही गरिने पनि फुयाँलले बताए ।

सुनारपानीको स्वास्थ्य चौकीमा यसअघि पनि थुप्रै आर्थीक हिनामीना गरेको भन्ने सम्मका मौखिक उजुरी पनि नगरपालिकामा आएको हुनाले यसबारेमा पनि अनुसन्धान गरि दोषिको पहिचान गरिने जानकारी पनि स्वास्थ्य इन्चार्ज फुयालले गराए । उनले भने त्यसपछि नगरले सुनारपानी स्वास्थ्य चौकी घटनाको यर्थाथ विवरण सार्वजनिक गर्ने छौं ।

Facebook Comments Box