रामेछापको कुन स्थानिय तहमा क–कसको छ अग्रता

प्रदेश ३ राजनीति समाज

रामेछाप । जिल्लाको २ नगरपालिका र ६ वटा गाउँपालिका गरी ८ वटै स्थानिय तहमा मतगणना जारी रहेको छ । केही स्थानमा नेपाली काँग्रेसका उम्मेदवारले अग्रता लिएका छन् भने केही स्थानमा नेकपा माओवादी केन्द्र र केहीमा नेकपा एमालेका उम्मेदवारहरुले अग्रता लिएका छन् ।

अहिलेसम्मको मत गणनाको परिणाम अनुसार रामेछाप नगरपालिकामा नेपाली काँग्रेसले अग्रता लिएको छ । नेपाली काँग्रेसवाट प्रमुख पदमा उम्मेदवार वनेका लवश्री न्यौपानेले २८७४ मत र उपप्रमुखमा वाला कुमारी कार्कीले २९२८ मत प्राप्त गरेकी छिन् । उनीहरुलाई नेकपा एमालेका उम्मेदवारले पक्षाइरहेका छन् । एमालेका उम्मेदवार रोशन पाख्रिनले २८१४ मत प्राप्त गरेका छन् भने उपप्रमुखमा उम्मेदवार सिता केसीले २८८९ मत प्राप्त गरेकी छिन् ।

त्यसैगरी मन्थली नगरपालिकाको प्रमुख पदमा नेकपा एमालेका उम्मेदवार वनेका लव श्रेष्ठले अग्रता लिएका छन् श्रेष्ठले ३५७४ मत प्राप्त गरेका छन भने उपप्रमुखमा एमालेकै ईश्वरी वस्नेतले ३२१४ मत प्राप्त गरेकी छिन् । उनीहरुलाई नेपाली काँग्रेसका उम्मेदवारले पक्षाइरहेका छन् । काँग्रेसका उम्मेदवार विनोद कार्कीले २९६० मत प्राप्त गरेका छन् भने उपप्रमुख पदमा यशोदा श्रेष्ठले ३०१५ मत प्राप्त गरेकी छिन् ।

त्यस्तै उमाकुण्ड गाउँपालिकाको अध्यक्षमा नेपाली काँग्रेसलले अग्रता लिएको छ । नेपाली काँग्रेसका उम्मेदवार जितवहादुर कटुवालले १२०९ मत प्राप्त गरेका छन् भने उपप्रमुखमा सावित्री सुनुवारले १२१४ मत प्राप्त गरेकी छिन् । उनीहरुलाई नेकपा एमालेका उम्मेदवारहरुले पक्षाइरहेका छन् । एमालेका उम्मेदवार शेरवहादुर सुनुवारले ११५६ मत प्राप्त गरेका छन् भने उपप्रमुखमा गंगा कार्कीले १०५६ मत प्राप्त गरेकी छिन् ।

यसैगरी गोकुलगंगा गाउँपालिकामा नेपाली काँग्रेसले अग्रता लिएको छ । काँग्रेसको तर्फवाट पालिकाको अध्यक्ष पदमा उम्मेदवार वनेका काजीवहादुर खड्का (दिनेश)ले ३९१८ मत प्राप्त गरेका छन् । उनलाई नेकपा एमालेका उम्मेदवार खडगवहादुर सुनुवारले पक्षाइरहेका छन् सुनुवारले ३५९७ मत प्राप्त गरेका छन् । उपप्रमुखमा नेकपा एमालेकी राधिका श्रेष्ठले ३४९९ मत प्राप्त गरेकी छिन् भने नेपाली काँग्रेकी उम्मेदवार उषादेवी कार्कीले ३३४६ मत प्राप्त गरेकी छिन् ।

यस्तै लिखु तामाकोशी गाउँपालिकामा नेकपा एमालले अग्रता लिएको छ । एमालेका उम्मेदवार कमलप्रसाद कडेरीयाले १५१७ मत प्राप्त गरेका छन् भने उपप्रमुखमा एमालेकै दिपा पाख्रिनले १५६६ मत प्राप्त गरेकी छिन् । उनीहरुलाई नेपाली काँग्रेसका उम्मेदवारहरुले पक्षाइरहेका छन् । काँग्रेसका उम्मेदवार केशब महतले १४८९ मत प्राप्त गरेका छन् भने उपप्रमुखमा सरस्वती गुरुङले १२३७ मत प्राप्त गरेकी छिन् ।

यसैगरी दोरम्वा शैलुङ गाउँपालिकामा नेकपा माओवादी केन्द्रले अग्रता लिएको छ । नेकपा माओवादी तर्फवाट उम्मेदवार वनेका मयन कुमार मोक्तानले १९६० मत प्राप्त गरेका छन् भने नेपाली काँग्रेसको तर्फवाट उपप्रमुखमा उम्मेदवार वनेकी खमला थापामगरले १८७२ मत प्राप्त गरेकी छिन् । उनीहरुलाई नेकपा एमालेका उम्मेदवारहरुले पक्षाइरहेका छन् । एमालेवाट उम्मेदवार वनेका टंकप्रसाद चौलागाईले १९२९ मत प्राप्त गरेका छन् भने उपप्रमुखमा एमालेकी मुना कँडेललले १८४४ मत प्राप्त गरेकी छिन् ।

यस्तै सुनापती गाउँपालिकामा पनि नेकपा माओवादीका उम्मेदवार ठुलोकान्छा तामाङले अग्रता लिएका छन् । उनले २८७३ मत प्राप्त गरेका छन् भने माओवादीकै उपप्रमुखमा गिता बिष्टले २८९४ मत प्राप्त गरेकी छिन् । उनीहरुलाई नेपाली काँग्रेसका उम्मेदवारहरुले पक्षाइरहेका   छन् । काँग्रेसका कमान खड्काले २४३७ मत प्राप्त गरेका छन् भने उपप्रमुखमा काँग्रेसकै शान्ति मोक्तानले २६२१ मत प्राप्त गरेकी छिन् । अहिले पनि मतगणना जारी रहेको छ ।

जिल्लाको ८ वटा स्थानिय तहमध्ये खाँडादेवी गाउँपालिकामा वैशाख ३० गते नेकपा माओवादी र काँग्रेसका कार्यकर्ताहरु विच विवाद भएपछि खाँडादेवी गाउँपालिका–१ राकाथुम मतदान केन्द्रमा मतदान स्थगित भएको थियो । उक्त मतदान आज भइरहेकाले मतदान पछि मतगणना हुने मुख्य निर्वाचन कार्यालय रामेछापले जनाएको छ ।

Facebook Comments Box