जित निश्चित छ ः थोकर

प्रदेश ३ राजनीति

रामेछाप । नेपाली कांग्रेस खाँडादेवी गाउँपालिकाका अध्यक्षका उम्मेदवार नवराज थोकरले आफुहरुको जित निश्चित रहेको बताएका छन् । बिहिबार खाँडादेवी गाउँपालिका–९ पिङखुरीमा आयोजित गठबन्धनको चुनावी सभालाई सम्बोधन गर्दै अध्यक्षका उम्मेदवार थोकरले गठबन्धनको जित निश्चित भएको बताएका छन् । आफुहरु संग मात्र पालिकालाई समृद्ध पालीका बनाउने स्पष्ट योजना रहेको बताएका हुन ।
थोकरले कांग्रेस र माओवादी केन्द्रबीच गठबन्धन बनेको बताउदै पालिकाभित्र पार्टीको सांगठानिक अवस्था पनि बलियो भएकाले चुनाव जित्ने आधार रहेको बताएका हुन् ।

खाँडादेवी गाउँपालिकालाई समृद्ध बनाउने योजना आफूहरुले अघि सारेको बताउदै विकास र सुशासनका लागि गठबन्धनले जसरी पनी जित्नै पर्ने बताएका छन् । थोकरेले भने,‘चुनावी अभियानमा गठबन्धनको पक्षमा जनताको व्यापक उत्साह छ, हामी नौ वटा वडा सहित चुनाव जित्छौ ।’

उक्त कार्यक्रममा माओवादी केन्द्रबाट पालिकाका उपाध्यक्षका उम्मेदवार मान बहादुर लामाले पालिकामा गठबन्धनको जित सुनिश्चित रहेको बताए ।

Facebook Comments Box