लिखु तामाकोशीवासीले मेरो नेतृत्वबाट समृद्धिको स्वाद लिनेछनः महत

प्रदेश ३ राजनीति समाज

रामेछाप । नेपाली कांग्रेस लिखुतामाकोशी गाउँपालिकाको अध्यक्षका उम्मेद्वार केशव महतले आफ्नो नेतृत्वबाट मात्र लिखु तामाकोशी गाउँपालिकाको समृद्धिको यात्रामा अगाडि बढने बताएका छन् । गाउँपालीकामा नेपाली कांग्रेसले नेतृत्व गरे मात्र त्यसको स्वाद आगामी ५बर्षको अवधिमा लिखुबासीले लिने बताएका छन ।

पालिकाका ७ वटा वडाहरुका विभिन्न स्थानहरुमा भएका चुनावी सभालाई सम्बोधन गर्दै उम्मेद्वार महतले विगतमा लिखु तामाकोशी गाउँपालिका भित्र जे जस्ता गतिविधिहरु भए त्यसबाट आम नागरिकले भोग्नु परेका पीडामा मलम लगाउँदै समुन्नत र सम्मानीत लिखु तामाकोशीवासी बनाउनका लागि आफ्नो उम्मेद्वारी रहेकोले बताएका छन् ।

नेकपा एमाले, नेकपा माओवादी केन्द्र तथा नेकपा एकिकृत समाजवादीका उम्मेद्वारहरुले पैसाको बलमा लिखुमा चुनाव जित्ने दम्भ देखाएको भन्दै त्यस तर्फ कटाक्ष गर्दै महतले भने आफूहरुको त्यस्तो रणनीति र दम्भ नरहेको र आफ्नो नेतृत्व विजय हुने सम्पूर्ण शक्ती आम लिखु तामाकोशी गाउँपालिकावासीहरुले आफु प्रति देखाएको सद्भाव र लिएको विश्वास नै रहेकोले आफ्नो विजय सुनिश्चित रहेको बताएका छन ।
शिक्षा, स्वास्थ्य, खानेपानी, कृषिमा यान्त्रिकरण सहितको आधुनिकीकरण, रोजगार, पूर्वाधार विकास, सुशासन, भष्ट्राचाररहित पालिका, बनाउन आफ्नो उम्मेदवारी रहेको समेत महतले बताउदै आएका छन् ।

लिखुका नागरिकहरुको सम्मानीत जीवनयापन, लगायतका विषयहरुमा आफ्नो नेतृत्वबाट आगामी ५ बर्षमा गर्ने कार्यको प्रतिवद्धता सहित लिखुवासीसँग मत मागिरहेको महत नेतृत्वलाई लिखुका सबै वडाहरुमा नागरिकहरुको उल्लेख्य सहभागिता सहितको साथ रहेको देखिन्छ भने राजनीतिक वृतमा समेत महत नै विजय हुने चर्चाछ ।

पछिल्ला दिनहरुमा राजनीतिक दलहरुबाट उमेद्ववार हुने अधिकांश व्यक्तिहरु राजनीतिक पृष्ठभूमि भन्दा पनि ठेक्का पट्टा गर्ने र क्षणिक स्वार्थका लागि राजनीतिक दल प्रवेश गर्ने गरेर आएका ब्यक्तिहरु रहेको कांग्रेस उम्मेदवार महतको भनाई रहेको छ ।

शैक्षिक र राजनीतिक हिसावले पालिका अध्यक्षको लागि योग्य र सक्षम उम्मेदवार महतमात्र रहेको अन्य राजनीतीक दलका नेता कार्यकर्तामा समेत कुरा हुने गरेको स्थानिय नेताहरुको भनाई रहेको छ । महत सालिन भद्र र अन्य राजनीतिक दलहरुको अस्तित्वलाई समेत समाहित गरेर समुन्नत पालिकाको खाका कोर्न सक्ने अब्बल व्यक्ति रहेको कांग्रेस नेताहरुको भनाई छ ।

एक पार्टिले अर्को पार्टी तथा नेता कार्यकर्ताहरुलाई तुक्ष ढङ्गबाट गाली र एक अर्काको अस्तित्वलाई स्वीकार गर्न नसक्ने परिपार्टीको विकास हुदै गएको नेपालको राजनीतिमा महत जस्ता राजनीतिक व्यक्तिको खाँचो रहेको गाउँपालिकाका कांग्रेस सभापती भोजबहादुर खड्का सन्दर बताउँछन ।

लिखुबासीहरु विगतका दिनहरुमा पनि लिखुमा राजनीतिक दलहरु भित्र फैलिएको आन्तरिक अन्तरविरोधको नराम्ररी शिकार बनेका लिखुवासीहरु फेरी पनि त्यस्तो नहोस भन्ने तर्फ सचेत हुँदै महतको नेतृत्वबाट नै पालिकाको समुन्नती हुने र महत बिजय हुने कुरामा आफु बिश्वस्त रहेको कांग्रेस सभापती खड्काले बताए ।

Facebook Comments Box