मन्थलीमा माईक्रोवस दुर्घटना १० घाइते २ को अवस्था गम्भिर

प्रदेश ३ समाज स्वास्थ्य

रामेछाप । मन्थली नगरपालिका वडा नम्बर ६ सेलेघाटमा माईक्रोवस दुर्घटना भएको छ । दुर्घटनामा परी १० जना घाइते भएका छन् । घाइते मध्य २ जनाको अवस्था भने गम्भिर रहेको छ ।

आज दिउसो करीब १ः३० तिर काठमाण्डौं बाट मन्थली तर्फ आउदै गरेको बा २ ख ४१८० नम्बरको माइक्रोवस सडक बाट करिब २० मिटर तल खस्दा सो दुर्घटना भएको जिल्ला प्रहरी कार्यालय रामेछापका प्रहरी निरीक्षक राजु प्रर्साद ढकालले जानकारी दिए । दुर्घटनाको खबर पाउन साथ जिल्ला प्रहरी र म्यादी प्रहरीले घाइतेहरुको तत्काल उद्धार गरी सिन्धुलीको खुर्कोटमा रहेको शुभजिवन अस्पताल र सुनकोशी सामुदायिक अस्पतालमा उपचार गराइरहेको प्रहरी निरीक्षक ढकालले जानकारी दिए ।

घाइते मध्य रामेछापको खाँडादेवी गाउँपालिका– १ बस्ने बर्ष ३७ वर्षकी सविना मोक्तान र मन्थली नगरपालिका –५ का ३७ बर्षका सिताराम कार्कीको अवस्थामा गम्भिर रहेको छ । उनीहरुको खुर्कोटको शुभजिवन अस्पतालमा उपचार भइरहेको छ । अन्य आठ जनाको अवस्था समान्य रहेको छ । उनीहरुको पनी शुभजिवन अस्पताल र सुनकोशी सामुदायिक अस्पताल खुर्कोटमा उपचार भइरहेको प्रहरीले जनाएको छ । मन्थली नगरपालिका–४ सालु बस्ने चालक नारद खड्का भने फरार रहेकोले खोजी कार्य जारी रहेको प्रहरीले जनाएको छ ।

घाइतेहरु निम्न अनुसार रहेका छन

१) जिल्ला दोलखा विगु गा.पा.–३ बस्ने बर्ष २३ की स्वस्तिका श्रेष्ठ दाहिने आखाँमाथी चोट अवस्था सामान्य (शुभ जिवन अस्पतालमा उपचार भईरहेको)
२) निजकै छोरा १० महिनाको आनन्द श्रेष्ठ दाहिने आँखामाथी चोट अवस्था सामान्य ।(शुभ जिवन अस्पतालमा उपचार भईरहेको)
३) जिल्ला रामेछाप लिखुतामाकोसी गा.पा.–६ बस्ने बर्ष ५६ को केशर बहादुर सार्की टाउको र बाया हात र बाया खुट्टामा चोट अवस्था मध्यम ।(सुनकोसी सामुदायिक अस्पतालमा उपचार भईरहेको)
४) निजकै छोरा बर्ष १६ को अनिस सार्की टाउको ढाड र वाया कानमा चोट अवस्था मध्यम । (सुनकोसी सामुदायिक अस्पतालमा उपचार   भईरहेको)
५) जिल्ला रामेछाप खाँडादेवी गा.पा.– १ बस्ने बर्ष ३७ की सविना मोक्तान टाउकोमा र दाहिने हातमा चोट अवस्था गम्भिर ।(शुभ जिवन अस्पतालमा उपचार भईरहेको)
६) निजकै छोरा बर्ष ६ को सिजन मोक्तान दाहिने आँखामाथि चोट अवस्था सामान्य । (शुभ जिवन अस्पतालमा उपचार भईरहेको)
७) जिल्ला सिन्धुली कमालामाई न.पा.–११ बस्ने बर्ष २६ को शिवहरी बुढाथोकी दाहिने खुट्टामा चोट अवस्था सामान्य ।(शुभ जिवन अस्पतालमा उपचार भईरहेको)
८) जिल्ला रामेछाप मन्थली न.पा.–५ बस्ने बर्ष ३७ को सिताराम कार्की ढाडमा चोट अवस्था गम्भिर ।(शुभ जिवन अस्पतालमा उपचार भईरहेको)।
९) ऐ.ऐ.रामेछाप न.पा.–४ बस्ने बर्ष ३० की यमुना तामाङ दाहिने हात र दाहिने घुडामा चोट अवस्था सामान्य ।(शुभ जिवन अस्पतालमा उपचार भईरहेको)
१०) ऐ.ऐ. मन्थली न.पा.– १ बस्ने बर्ष ४१ कुमार थापा निदारमा चोट अवस्था सामान्य ।(शुभ जिवन अस्पतालमा उपचार भईरहेको)

Facebook Comments Box