घरदैलो अभियान लिएर काँग्रेस गाउँ पस्यो

प्रदेश ३ राजनीति समाज

रामेछाप । यहीँ बैशाख ३० गते हुने स्थानिय तहको निवार्चनको लागि मतदातासँग मत माग्न नेपाली काँग्रेस मन्थली नगरपालिकाका उम्मेदवारहरुले शनिवारवाट घरदैलो कार्यक्रम शुरुवात गरेका छन् ।

नेपाली काँग्रेसले पहिलो दिन मन्थली नगरपालिका–१ को सातमारा भुजेलगाउँवाट घरदैलो अभियान शुरु गरेका हुन । उक्त अभियानमा मन्थली नगरपालिका काँग्रेसको तर्फवाट नगर प्रमुखका उम्मेदवार बिनोद कार्की, उप–प्रमुखको उम्मेदवार यशोदा श्रेष्ठ र वडा नं १ का वडा अध्यक्षका उम्मेदवार होमप्रसाद पौडेल (रामहरी) र अन्य वडा सदस्य उम्मेदवारहरु सहितको टोलीले नागरिकहरुको घरघरमा पुगेर नेपाली काँग्रेसका उम्मेदवारलाई मतदान गर्न आग्रह गरेका थिए ।

उम्मेदवारहरुले मतदातासँग जनतालाई परेको समस्याको समाधान गर्न नेपाली काँग्रेस प्रतिवद्ध भएको भन्दै नेपाली काँग्रेसका उम्मेदवारलाई मत दिएर निर्वाचित गराउन अनुरोध समेत गरेका थिए । घरदैलो कार्यक्रममा बोल्दै मन्थली नगरपालिकाका प्रमुखका उम्मेदवार बिनोद कार्कीले नागरिकको माग सम्वोधन हुने गरी सडक, खानेपानी, शिक्षा र स्वास्थ्य क्षेत्रलाई प्राथमिकतामा राखेर काम गर्ने र त्यसका लागि नागरिकले आफ्नो अमूल्य मत दिएर निर्वाचित गराउन आग्रह गरे ।

काँग्रेसले शुरु गरेको घरदैलो अभियान कार्यक्रममा नेपाली काँग्रेसका नेता तथा कार्यकर्ताहरुको समेत उपस्थिती रहेको थियो । नेपाली काँग्रेसले गरेको घरदैलो अभियानले मन्थली–१ सातमारे भुजेलगाउँका नागरिकहरु उत्साहित भएका छन् ।

Facebook Comments Box