रामेछापमा ५ जना उम्मेदवार विरुद्ध दाबी विरोधको उजुरी

अर्थ प्रदेश ३ राजनीति

रामेछाप । रामेछापमा ५ जना उम्मेदवार विरुद्ध निर्वाचन केन्द्रमा दाबी विरोधको उजुरी परेको छ । बिभिन्न राजनितिक दल र स्वतन्त्र उमेरद्वारहरुको नाममा बेरुजी रहेको भन्दै निर्वाचन केन्द्रमा उजुरी परेको जिल्ला निर्वाचन कार्यालय रामेछापले सुचना मार्फत जानकारी गराएको छ ।

निर्वाचन केन्द्रमा परेको उजुरीमाथी १५ र १६ गते अनुसन्धान गरेर दावी बिरोध परेका उमेरद्वार मतदानमा भाग लिन पाउने वा नपाउने भन्ने जानकारी गराउने जिल्ला निर्वाचन कार्यालय रामेछापका प्रमुख मधुकर कुमार शाहले जानकारी दिए । खाँडादेवी गाउँपालिकाका दुई जना, रामेछाप नगरपालिकाका २ जना र लिखुतामाकोसी गाउँपालिकाका एक जना उम्मेदवार माथि दाबी विरोधको उजुरी परेको सम्बन्धीत पालिकाका निर्वाचन अधिकृतहरुले जनाएका छन् ।

खाँडादेवी गाउँपालिका वडा नं २ का वडाध्यक्षको उम्मेदवार बनेका ज्ञानकुमार लामा विरुद्ध आ व ०७७÷०७८ मा निगाल्पानी मिरानटोल मेलडाँडा जुगेपानी सडक बिस्तारको क्रममा उपभोक्ता समितीको अध्यक्ष भई काम गर्दा बेरुजी रकम देखीएको भन्दै केशब कुमार प्रधानले उजुरी दर्ता गराएका छन् । त्यसै गरी प्रधानले अर्का अध्यक्षका उम्मेदवार शङ्करदास श्रेष्ठ बिरुद्ध पनी उजुरी दर्ता गराएका छन् । प्रधानले श्रेष्ठलाई पनी आ व ०७७÷०७८ मा आँपचौर मझुवा निगाल्पानी सडक उपभोक्ता समितिको अध्यक्ष भइ काम गर्दा बेरुजी रकम देखीएको भन्दै उजूरी दर्ता गराएका छन् ।

त्यस्तै, रामेछाप नगरपालिका प्रमुखमा उम्मेदवारी दर्ता गराएका रत्नबहादुर नेवार विरुद्ध नगरभित्र ठेक्कापट्टाको काम गरिरहेको भन्दै नरेशबाबु श्रेष्ठले दाबी विरोधको उजुरी दर्ता गराएका छन् । त्यसैगरी रामेछाप नगरपालिका वडा नं ७ मा वडाध्यक्षको उम्मेदवार बनेका समिर कार्की विरुद्ध ध्रुवकुमार बस्नेतले लिखु माझीगाउँ लिफ्ट खानेपानीको हिलेदेवी ठेक्काको, ५ प्रतिशत धरौटी रकम रहेको भन्दै दाबी विरोधको उजुरी दर्ता गराएको रामेछाप नगरपालिकाकी निर्वाचन अधिकृत गीता गुरुङले बताए ।

त्यसै गरी लिखुतामाकोशी गाउँपालिका ३ का वडा अध्यक्षका उम्मेदवार राजकुमार खड्कालाई कर चुत्ता नगरेको तथा कालो सुचिमा परेको भन्दै सोहि वडाका अनिल तमाङ्गले दाबी विरोधको उजुरी दर्ता गराएको जिल्ला निर्वाचन कार्यलयबाट निकालीएको सुचनामा उल्लेख गरिएको छ ।

Facebook Comments Box